كيكتي العجيبة ببيضة واحدة رائعة امممممممممممم

[عازفة الناي]

السلام عليكم ورحمة الله تعالى و بركاته
كيف اخباركم يارب تكونو في تمام الصحة و العافية
وصفتي لليوم هي وصفة جد سهلة و رائعة و اقتصادية و تسلّك في الاوقات الصعبة
ولاتحتاج مجهود

المقادير
المواد الجافة
1 كوب و 3/4 كوب فرينة .
3/4 كوب سكر ناعم .
كيس خميرة كيميائية .
ملح . فاني .او مبشور ليمونة
المواد السائلة :
كوب حليب.
بيضة.
1/3 كوب زيت + 2 ملاعق كبار
للتزيين: حبوب الشكولا او حسب المتوفر
التحضير
نخلط المكونات الجافة مع بعض
نخلط المكونات السائلة مع بعض بالشوكة
من بعد نجمع الخليطين ونمزج الكل بالملعقة فقط


نصب الخليط في القالب المدهون بالزبدة والمرشوش بشوي فرينة

نرش الوجه بكمية من حبوب الشكولا

ندخله للفرن حتي ينضج و نخرجه


ونضعه على الشبك حتى تبرد الكيكة شوفو اللون امممممممممممممممممم


بعد ان تبرد نرش شوي سكر ناعم يا سلام

شكلها من الداخل


هنا صبيت عليها صوص شكولا

وهنا غيرت المول و جا الشكل


وهنا دهنتها بالمعجون ورشيت عليها جوز هند

ملاحظة: كما شفتو نفس الكيكة كل مرة ندير قالب مختلف
وكل مرة ندير تزيين اخر وحسب المتوفر
يعني كل واحد والمتوفر عنده في البيت ممكن مكسرات ( جوز او لوز او فستق )
وممكن زبيب وممكن كراميل
وممكن فواكه ونخلطها معها وتجي top مثلا اناناس معلب وووووووووووووووووووووو
lممكن ايضا نقسم الخليك الى 2 ونترك الاول ابيض و الثاني نضيف له ملعقة كاكاو ونصبهم بالتناوب و تولي كيكة رخامية




ايضا نقدر نعمل الخليط في اكواب ورقية فردية كب كايك تجي هشة و طرية




هذي صورة الكاس اللي كيلت بيه راهم متوفرين بالوان كثيرة و اشكال كثيرة لكن تاعي حساب لون الكوزينة


اسمحولي كثرت الكلام والصور لانها والله رائعة و حبيت نقدملكم ونشرحلكم كل ما يتعلق بها الكيكة .
نتمنى من الله اني نكون توفقت في الشرح و فهمتو عليا
ايضا ننتظر تطبيقاتكم و تدعولي بالخير