الى الرجال اسالكم بالله

[مشكلتي]

السلام عليكم الى الرجال تحديدا اعتبروه خدمة لاخت تترجى رايكم و واثقة في صراحتكم و حتى و لو راح تكون جارحة يهمني رايكم
تقدملي شخص و تمت رؤية شرعية و تم عقد شرعي و قريب زواجي و بدأنا التحضيرات
اتصلت بي اخت زوجي تسألني ماذا حدث لانو خطيبي قالهم وقفو التحضيرات ماكانش عرش .. انا استغربت لانو ماكان حتى مشكل بينا بالعكس علاقة جد محترمة
اتصلت بيه لاني تساءلت عليه هو واش بيه قطع الاتصال و ارسلي رسالة :

صباح الخير واش رايح نقلك راني قالق و كاره حياتي راني تعاركت مع الدار و كرهت الزواج كرهت العرس انا واحد ما يستاهلكش سامحيني على كل شيئ و روحي ربــــي يسهلك واش خسرتي نعوضلك ؟؟؟؟
... مع العلم اهلو قالو و اكدولي ما كان حتى مشكل في الدار و امو تصدمت لانها تحبني بزاف
صبرت تقريبا 4 ايام قلت راح يهدا والو رفض حتى يقول السبب اتصلو اهلي بيه و مالقى ما يقول و اتفق هو واخي على الطلاق
ارسلتو رسالة انو خلاص فض المكتوب و خلي كل واحد يروح لطريق ربي يسهل لكن لاخر مرة صارحني السبب و ربي يسهلك ارسلي :
فلانة مانيش قادر نحكي معاك علابالي فض المكتوب بصح مانيش حاب نظلمك اكثر من هكذا المشكل فيا انا ماشي فيك انتي
علابالي ربي راح يعاقبني بصح سامحيني انا ما نستاهلكش

انا اليوم ماشي هامني يرجعي او انو المكتوب فض الحمد الله عندي ثقة في الله مهما يصرا

لكن أسأكم بالله الواحد الاحد لكل رجل قرا كلامي و انتم تفهمو بعضاكم
ما معنى كلامه ؟؟؟؟؟؟؟؟؟
و واش لي يخلي رجل بين ليلة و نهار يفعل هكذا و مع التحضيرات ؟
مع العلم هو اللي اختارني بنفسه عن قناعة و حتى العمر راه فات الثلاثين و ماشي خفيف و الا و علاقتنا جد محترمة و لا احد من تجرا يجرح الاخر حتى بكلمة
اختكم ترجتكم و لا اظنكم راح تردوا رجائي