بيتزا سهلة +كريمة الجبن

[ام اسماء واويس]

السلام عليكم هذا عشاء البارح
نبداو بكريمة الجبن
نحتاج بيضة نخلطها مليح بالباتور نضيف 2 ملعة كبيرة نشاء اذا معندكش ديري الفرينة وكاس حليب وخلطي مليح ومن بعد حطيها فوق النار وضيفي كاس حليب ثاني مع التحريك المستمر حتى تعقد وتولي ثقيلة نحيها من فوق النار وضيفي من 4 الى 5 فرمج حسب الرغبة وخلطي بالباتور انا عملتها عوض المايوناز مفيهاش الزيت صحية






عجينة البيتزا
نروحو لعجينة البيتزا انا عملت كمية معتبرة باش ندير غدا وعشا
نحتاج كيلو فرينة مع 2 ملعقة كبيرة سكر وملعقة كبيرة خميرة خبز وكاس شاي زيت وملح
نخلط المكونات ونعجن بالماء الدافي وندلكها حتى نتحصل على عجينة لينة نخليها تخمر




وهذي صوص الطماطم
بصل ثوم طماطم ورقة غار ملح فلفل اسود ونعناع مجفف تقطعي كلشي على 4 وتحطيهم في كسرونة فيها 2 ملاعق زيت وتغطي عليها تحتى تخرج الطماطم الماء تاعها وتذبال ومن بعد ضيفي ملعقة طماطم مصبرة وكاس ماء متوسط وخليها فوق النار حتى تعقد وضيفي ملعقة سكر وتغلي غليتين وطفي عليها كي تبرد ارحيها فالروبو ولا الرحاية اعمليها قبل بوقت







والان تجي عملية التجميع كي تخمر العجينة متعاوديش تعجناها نحي منها و حليها طول بلا متخمر الى الفرن تجيك مقرمة وخفيفة





لانو مفيهاش المايوناز تكون خفيفة على المعدة