مثل ماوعدت الأختhobbioطريقة تحضير الكاشير بالصور ..

جوهرة القصر-47 · 2014-08-01, 16:11

السلام عليكم ورحمة الله تعالى وبركاته

مثل ما وعدتك أختي مقبيل خدمتو برك وهاهم ليك الخطوات بالصور

اقتباس:

المشاركة الأصلية كتبت بواسطة hobbio

ما شفتش طريقة التحضير

https://www.djelfa.info/vb/showthread.php?t=1411733
بسم الله

4بيض+4 م أ دقيق عجين +4 م أ زور مش مفور+جامبو +ثوم +كمون.ملح.فلفل أسود.الزيتون والصبغة الحمراء

تم تاني كاين الخيط الي نربط بيه من بعد .الإبرة والساشي تاع السباقيتي ..

طيبي الروز كيما بقيتي ..أنا بعد مانقيتو وغسلتو درت شوي زيت ودرتو .. من بعد الماء ..

عبرة بزوج ماء.. والملح متنسيش

تقدري اديري فالكيكوطا "روز ربع ساعة " ولا تغطي وتقدري متغطيش ... كيما موالفا اطيبيه ......

وهو سخون مرسيه باش يعاونك...

الكمون والملح علاجال البيض..

درت الزيتون فالاخير باش يدخل فاللحفرا تاعو ..
بالمناسبة الزيتون مدابيك خليه فالماء باش من بعد ميطلقش اللون الأصفر بعد مايطيب ..
راني مجربتها ... قصدي أغسليه مليح ..باش تتنح منو الملوحية الي من الخارج ومتفسدلكش..

هنا مدابيك كون متكونش عدك برما واسعا كيما هذي لأنو
من الأفضل المرا الأولا يوقف باش من بعد ميخليش ليتراص ..معلاباليش كيفاه نشرح ..
دوك نوريلك من بعد التصويرا .. جاي شقل عرقان لما ترقديه على الكسكاس

من الأفضل توقفيه حتى يشد روحو ومن بعد ميليه...
صراحة حتى كون توقفيه مشكيتش متخرجش .. معرفتش وش حلها ههههه

لما تجي تربطي خلي شوي فيد لداخل لأنو من بعد راح تتنفخ
وإذا مخليتيش راح تتنفخ فالعرض كيما صرالي هنا ..
أنا مخليتش ياسر مي معليهش مش كارثا هههههههه المرا اجايا نزيد شوي

خليه ساعة كاملا فوق نار مش قاويا ياسر ... بعد أكثر من نص ساعة اقلبيه على الوجه الآخر ..

لفيه فسرفيتا وديريه فالثلاجة ...

شوفي هنا كان قصدي .. هذا أول وجه حطيتو على الكسكاس ..شوفي كيصرالو ...

هو عادي وكيتقطعي ميبانش.. مي قلت ممكن وحدا تشوفها مشكل ولا ميعجبهاش من هدي التصويرا ..

إن شاء الله ياربي يعجبكم ..

هههههه مهبولة

وبالنسبة للأخت

اقتباس:

المشاركة الأصلية كتبت بواسطة ليليا25

اختى معليش منحطش الصبغة نحبو ابيض ارجو الرد لتجريب

آسفة مسييتش ..
ومشكيتش نسييه بلا صبغا ..ههههه

إذا سييتيه ياريت توريلنا سلام