بسم الله
هدا اول موضوع ليا نتمنى ينال اعجابكم
جبتلكم اليوم وصفة لمقروط الفرينة يجي بنين وساهل
نبداو بسم الله على بركة الله
المقادير
3كيلات فرينة
كيلة وشوية سمن
قرصة ملح
مزهر
للحشو التمر مع القليل من الجلجلان
نحط الفرينة قرصة ملح ندير عليها السمن الدائب مالازمش يكون سخون بزاف يعني دافئ من بعد
نلمها بالمزهرلازم تكون طرية مش يابسة و مش تلصق فاليدين
نحطها في كيس بلاستيكي باه متيبسش ونخدم غير بالعقل
ناخد كمية من العجينة نحلها بالحلال وندير فيها التمر على شكل حربوش ونلوي 2مرات من بعد نقطعها
على شكل حبات مقروط وننقشها بالنقاش
كي تطيب نعسلها وناكلوها بالصحة والراحة
( تقرير عن مشاركة سيئة )، و الموجودة أسفل كل مشاركة .
2014-07-16, 22:19
مقروط الفرينة
العرض الشجري