نزيدك شي أختي
متخميش فالخدمة كنو كون تبقي تخمي هاك متقريش
كنو رانا فوحد الوقت ......البيسطو برك فيه ..
زيد ميهمش إذا مخدمتيش ....داك الوقت تكوني رابحا رصيد من المعلومات والمفاهيم الي تفيدك انتي فحياتك الخاصة ....
قصدي مش كيما اذا درتي مثلا أدب ولا ..ومن بعد متلقيش خدمة.. الفرق بينك وبين الأدبي لما للزوج متخدموش
أنك أنتي ربحتي من قرايتك مفاهيم ومعلومات تفيدك فحياتك ....... معلاباليش إذا فهمتيني .......!!!
المهم .زيد ... أنو عدنا حق أنك تعقبي استاج تدخلي تتعلمي فالسبيطار فأي وقت وشحال المدة الي حبيتي
العام الي فات كانوا تايحينلهم الفرصة
مي حنا هذا العام نحوها عليها ...... غير جماعة السنة الأولى .......... يعني العام الجاي إن شاء الله قادرا ندخل سطاج
بالنسبة لأوقات الدراسة تاني كل ولاية نورمالمو وكيفاه .....
يعني مثلا فالعاصمة صحبتي فرماسي عدهم ليكور فالصباح من 8.00حتى12.00
والمساء ليتيدي ولي تيبي من الوحدا لل5.00 ..للحصة 2سا.....
مي حنا عدنا كوكتال هههههههه ومشارجي من ال8.00 لل5.00
مي عدنا مرات ليفيد .. والحصة ساعة ونصف ...
بالمناسبة عللى حساب مسمعت قالولي عدنا فالتعليم تاني ..قصدي على الخدما مستقبلا ..
بلاالعمل في مخبر التحاليل الي متتأمليش فيه ... هذا إذا خيرتي بيو كيمياء إن شاء الله ..وكاين تخصصات أخرى فالسنة الثالثة إن شاء الله
وبالنسبة للتخصصات الأخرى الله أعلم ..قصدي على الخدمة تاعهم
كاين ميكروبيولوجي ..كاين بيئة ..زراعة ........ على حساب الجامعة
إن شاء الله نكون أفدتكم في بعض التساؤلات ...
كنو أنا تاني وحد الوقت كنت محتاجة واحد يشرحلي ... سلام
( تقرير عن مشاركة سيئة )، و الموجودة أسفل كل مشاركة .
2014-07-16, 10:21
العرض الشجري