Faux tiramisou glacée

[ريم الفلى]

البسملة1
هذ الوصفة من اختراعي وهي اقتباس من عدة وصفات عطاتني هاد النتيجة ان شاء الله تعجبكم
في وعاء نخلط 2 علب فلان دوق شوكولا ونصف كاس سكر و 100 غ شونتيي نخلطهم مليح بملعقة ونحطهم في وعاء ونزيد عليهم نفس الحجم تاعهم حليب بارد من الثلاجة وخلطي مليح بالباتور حتي تولي كريمة
متماسكة ويتضاعف الحجم تاعها دخليها للثلاجة تبرد شويا في هاذا الوقت قطعي لي بودوار كل حبة على زوج وونوجدو عصير أي
نوع تحبوه انا كان عندي شاربات بوفاريك دوق عنب ونوجدو تاني قطو أي نوع انا درت تاع الكاسكروت لي راه في الصورة ونغلفو قالب الكيك بساشي تاع كونجيلاسيون ونبدا نغمس القاطو في الشربات ونستفو في المول ونفس الشي مع لي بودوار بصح هوما نحطهم غير في الطراف ساير داير من بعد نعمر طبقة مليحة من الكريمة الباردة ونحط انصاف البودوار المغمسين في العصير فوقها ونكمل نعمركامل المول من بعد نغطيها بطبقة تاع قاطو مغمس في العصير حتى
نغطي كل الكريمة من بعد نغطيها بالساشي ثم بورق الفيلم والى الكونجيلاتور تبات ليلة كاملة او اقل شي 6 ساعات وباقي لكريمة تديريها في لابوش وتدخليها للثلاجة في الغد نخرجها ونقلبها في صحن التقديم انا المول تاعي كبير بزاف قلبتها في سينية ونطليها كامل في الوجه تاعها بالكريمة ونزينها بالكريمة لي في لابوش ونقدمها باردة تسر القلب والخاطر في هاد السخانة نخليكم مع الصور






























الرجاء لكل من مرت بالموضوع تدعيلي في هذه الايام المباركات