مشاركة فريق قسم الطبخ في مسابقة جوهرة رمضان التحدي الأول

[أم ضياء عبد الرحيم]

اولا رمضان كريم تقبل الله منا و منكم صالح الاعمال
نحن فريق قسم الطبخ لمسابقة جوهرة رمضان المتمثل في
parfumdor1 , بسمة الرمال و جيادا
نقدم لكم مشاركتنا لقسم الطبخ في التحدي الاول
و هي عبارة عن اعداد طبق دجاج بطريقة مبتكرة و تشكيلة من المخبوزات
فكان الطبق الذي اعددناه عبارة عن دجاج ديسوسي بفيرميسال الارز و citron confit


المقادير

للدجاجة
2 بصلات ثوم معدنوس ملح فلفل اسود جزر كرافس ورق غار
م ك مايزينة بيضة

للفرميسال

1 بصل مقطعة رقيق + 2 فصوص ثوم
60 غ فرميسال تاع الارز vermicelle de riz
نصف ليمون محفوط مقطع رقيق citron confit
زيتون اخضر مقطع رقيق
معدنوس و كسبر مقطعين رقيق
1/2 م ص زنجبيل مطحون
1/2 م ص فلفل اسود
1/2 م ص بابريكا
1/2 م ص كركم
1/2 م ص ملح
2 او 3 م ك زيت

لدهن الدجاج

2 فصوص ثوم
50 غ زبدة
1/4 زنجبيل مطحون
1/2 م ص فلفل اسود
1/2 م ص كركم
1/2 م ص ملح
الموتارد
الطرييقة
للدجاج
نقوم بنزع عضم الدجاج بالمحافظة على الجلد نبداو نديسوسيو من الظهر ونستعمل سكين صغير حاد
العضم تحبو تخبيوه اديروا بيه مرق الدجاج
نرجع للدجاجة نقوم بنزع شوية لحم من الصدر و لي كويس نرحيوه مع بصلة و ثوم و معدنوس و من بعد نزيدو مغرف مايزينة و ملح و فلفل أسود و نلمو بالبيضة
ندهنوا الدجاجة من الداخل بشوية من خليط الدهن و من بعد نفرشو الحشوة و ندوروها بشوية و نزيدوا ندهنوها بالخليط تاع الدهن و نربطوها
نحطها في بلا نزيد الجزر بصل و كرافس ورق غار و شوية ماء
و تطها في الفرن في الاول نغطيوها و كي تبدى اطيب انحيولها الغطاء حتى تتحمر









من جهة اخرى نحضروا الفيرميسال تاع الارز
نحط البصل و الثوم يتقلاو
نحط الفيرميسال في ماء سخون نخليوها دقائق نصفيوها و نقصوها بالمقص و نضيفوها للخليط السابق و نضيف باقي المكونات و نزيدو نخليوها على النار 10 او 15 دقيقة




التقديم
نقطعوا الدجاج قطع رقيقة الطريقة الي درناها كي نحينا اللحم رحيناه تخلي الدجاج كي يطيب يجي ساهل للتقطيع قطع رقيقة و ما يتفتتش
نجيبوا مول مدور ندور قطع الدجاج في المول و نحاولوا نحطوهم على الجهة المسطحة باه قطعة الدجاج توقف و ما نصقطش كي انحيو المول
نحط في الوسط الفيرميسال نضغطوا شوية عليها و في الاخير نديروا طبقة تاع الدجاج كيما في الصورة و نزينوا الطبق انتاعنا بالخضر هنا استعملنا خيار مقطع في الطول رقيق درناه شكل اسطواني و حطينا فيه قطع تاع الجزر جريوات و فلفل الوان و باقي التزيين ينفس الخضر
و هذا الشكل النهائي




ان شاء الله يعجبكم و تجربوه الحاجة لمليحة في هذه الطريقة انه الدجاج يجي طري و ما يكونش شايح و طبعا الفيرميسال تاع الارز و الليمون المحفوظ زادوا للطبق نكهة خاصة و تغيير من الارز

تحدي المخبوزات
المخبوزات التي شاركنا بيها عبارة عن خبز الدار و خبز على شكل وردة محشي بالتونة و الجبن و خبز بالثوم و المعدنوس











تم بحمد لله
نلتقي ان شاء الله في التحدي الثاني
صح فطوركم تقبل الله منا و منكم صالح الاعمال