كاستال بالشوكولا ...ادخلو تتعدبو شوي هههه

[chawia fahla]

السلام عليكم فحلولات المنتدى انا قاعدة قاعدة قلت نكتبلكم وصفة لكاستال القاطو لينديرو بمعدل 100 كرة كل شهر هههههه
المهم دوقه هايل كنت نديرو بتلوصفة التقليدية لينطلعو فيها بياض البيض وووو....وكيشفت و صفة المتميزة ام كوثر جربتها وعجبتني خير ..هدا فيما يخص العجينة.....والكريمة ندير وصفة معتمدتها بالبيض .....وادا شفتو بلي القاطو حيطول و ميتكلش ثم ثم ديرو الوصفة ليمافيهاش البيض ...
نبداو بمفادير العجين انا ندير نصف الكمية ليحطتها ام كوثر و تقطعلي حوالي 20 حبة بسبب الكريمة كيما سبق و دكرتلكم ...لكنها حقا تجي خفيفة و متقهمش
مقادير العجين =

1بيضة
125 زبدة دايبة
125غ سكر قلاصي
نصف كيس خميرة بصح انا ندير كيس و متطلعش بزاف لانه نحلها شوي رقيقة
100غ شوكولا اي علبة انا نستعمل امباسادور
قرصة ملح
120غ كاوكاو محمص و مرحي متوسط
و الفرينة نلمو بيها تاخد حوالي 250 حتى 300غ
نباتيو البيضة مع السكر و نزيدو الزبدة و الشوكولا والكاوكاو و نعقب الخميرة في و سط الفرينة في الصفاية ونلمو حتى نتحصلو على عجينة طرية
نقلبو البلاتو تاع الفور على وجهو ونرشو الفرينة و نبسطو العجينة ...البلاطو المربع الشكل نديرو من بر ماشي الداخل ok
نثقبوها يالفرشيطة و ندخلوها فرن 160 درجة حتى تمسوها مالفوق و تلقاوها طابت
نخليوها تبرد مليح
نروحو للجزء الرومانسي فهاد الوصفة هههههه الكريمة الاكثر من رائعة
اولا انا درت نصف كمية المقادير تاع الكريمة كيتضاعفو كمية العجين ديرو هاد المقادير
200غ شوكولا ودائما ambassadeur noir
400غ زبدة لينة
2صفار بيض
300مل ماء
200غ سكر عادي
ديرو الما و السكر في كاسغول و نخليوه يغلي على نار متوسطة نحسبولو 15د بعد ما يبد يغلي
ندوبو الشوكولو على حمام مائي و لا في لميكرو اوند
نضربو مليح صفار البيض حتى يبياض و نزيدولو السيرو يكون دافي ..السيرو نديروه على شكل خيط و نخفقو على السرعة القصوى
مبعد نزيدو الشوكولا الدائبة ونخفقو و نزيدو الزبدة الطرية حتى نتحصلو على كريمة جامدة و تبرد مليح
اخر مرحلة نقسمو العجينة على 2 نتحصلو على مستطيلين نديرو كمية سخية من الكريمة فوق العجينة الاولى و نحطو فوقها العجينة الثانية و نكملو باقي الكريمة
ندكركم بلي انا درت نصف مقادير الكريمة يعني 200غ زبدة
زندير المكسرات ليتحبوها الكاوكاو المحمص و المرحي خشن يجي هايل و اللوز ايفيلي المحمص يجي اروع وممكن الجوز كدلك يجي روحة بعدما تقطعو حباتكم مربعات ديرو نصف حبة جوز في الوسط و كيما تحبو
ترشو سكر ناعم مالفوق و تكثرو لان الكريمة ممبعد تتشربو
غطويها و خليوها تبات ليلة في الثلاجة باه تجيكم ساهلة للتقطاع و كلما تشربت العجينة الكريمة تجي احسن
و كيتقطعةها و للمزيد من الجمال ديرو خطوط من الشوكولا من الفوق تجي باهية في وسط السكر الناعم وممكن تستغناو على هاد المرحلة
الصور الكاملة راهم في pc ....ممبعد نحولهم للوحة و نحطهم ok
صورة واحدة فقط للشكل النهائي
صح فطوركم و رمضان مبارك
نشاله تجربوهم و يعجبوكم و نتمنى نكون عرفت نشرح كشما مافهمتوش راني هنا
في امان الله