خسارة عليكم يا لاعبي المنتخب الوطني

[✗ ┋ وَړْﮃَةُ آلـﭴَزآئـړْ ┋ ✗]

السلام عليكم ورحمة الله تعالى وبركاته

صحة فطوركم لكل أعضاء المنتدى الأعزاء

علابالي راح نلقى الكثير من الانتقاد حول الموضوع بصح والله سكتنا بزاف علابالنا كامل كي كان فريقنا يلعب في تصفيات كأس العالم كانوا الله يبارك منضبطين يلعبوا بالقلب للفريق الوطني ودايما نشوفوهم في التلفزيون كي يأديوا صلاة الجمعة مع بعض يعني كانوا في القمة وهذا الشيء خلاهم يتأهلوا لكأس العالم وربي يوفقهم.

بصح كي تأهلنا تغير كل شيء انخفاش هائل في مستوى اللاعبين خطط غير مفهومة لرابح سعدان اللاعبون غير منضبطين واحد يصبخ شعرو والآخر حاط وشم والكارثة الكبرى بعض اللاعبين يسهرون في الملاهي الليلية.
قادر تقولو الكلام هذا جبتو من عندي وين راح الدليل وين راه المصدر.
هذا هو المصدر لاحترام قوانين المنتدى قمت بحذف صور النساء بواسطة برنامج الفوتوشوب ونحن في شهر رمضان الكريم

هذا صور غزال مع ......... والعياذ بالله



وهذي صورة غزال ومبولحي و قادير .......





أستغفر الله العظيم ربي يهديهم أنا والله تمنيت يكونوا أغلبية أعضاء الفريق الوطني محليين من جهة ترباوا في الجزائر على العادات والتقاليد الجزائرية ومن جهة ثانية يكون الفريق الوطني يمثله جزائريون محليون ترباوا على الكرة الجزائرية ولم يحترفوا في الخارج طبعا مع احترامي للاعبين المغتربين فهم فغلوا كثيرا للجزائر ولن ننسى فضلهم علينا فهم أهلونا لكأس العالم

والله نتمنى تتقبلوا رأيي بموضوعية تامة وتقولوا رأيكم باحترام

وشكرا