من يفكر في التحضير لـ Bac2011 في الصيف ؟

[imane1]

المشاركة الأصلية كتبت بواسطة قطرة حنان

اما المشروع تاعي في الصيف ..>> هو الحقيقة سر ....>> بصح كي عدتو انتم نقولك
انتبهوا جيدا


انا رايحة ندخل نقرا فرنسية على خاطر انا و الامي في الفرنسية كيف كيف ...>> دايما طيحلي المعدل
و نزيد نتمكن من الانجليزية اكتر على خاطر 18 انجليزية ما تكفينيش .....>>علابالي كرشي كبيرة ههههههههه

اما التحواس راهو فيها فيها .... و النترنات ....اما الرحلات مستحيل
يا جماعة راني خايفة ما يكفيناش الوقت للقرايا ..>> في الحقيقى حابة نكمل البرنامج تع الرياضيات ... احنا وصلنا للهندسة الفضائية في البداية تعها ... و هدا الدرس و الدروس الي وراه يدخلو في الباك .... و الاساتدة العام الجاي ما يقريوناش الدروس تع السنة الثانية ...>> مع هداا انا مش متحمسة نقراها في العطلة (الرياضيات )

و انتم واش رايكم

أهلا قطرة حنان ..

فكرة مليحة أنك تقراي اللغات (وهي ضمن برنامجي أيضاً )

لكن قضية اكمال برنامح الرياضيات فيها نظر ..

لوكان تكملي مع كاش استاذ مليح ، ولمدة قصيرة باش تريحي بما فيه الكفاية ممبعد ..

أما إن كنت انهاءه بمفردكِ فضعي الفكرة جانباً ، لأنك رايحه تعياي

العام الجاي ان شاء الله مع ليكوغ أكيد رايحين نلقاو حلّ ..

أتمنى لكِ كل التوفيق