طبق بطاطا رابي محشية باللحم جد مميزة بالخطوات المصورة

[عبروقة]

السلام عليكم ورحمة الله

وش راكم يابنات

بما اني استفدت بزاف من تجارب الاخوات حبيت اليوم نحط لكم هذه الوصفة لي تجي بنينة ومليحة شكلا ومضمونا يعني تحمر الوجه

نحتاجو
حبات بطاطا حسب الافراد
لحم مرحي انا استعملت صدر دجاج
بيض ايضا حسب الكمية البطاطا
بالاضافة الي التوابل فلفل اكحل وكسبر ودبشة ومعدنوس وحبة بصلة وثوم ملح اكيد نحضر بيهم مرق ابيض
الصور رايحة توضح اكثر

*نرابي حبات البطاطا في لراب الخشن نضيف لها التوابل والدبشة وبياض بيضة وملح ونضعها جانبا (تطلق شوية ماء نعصرها)

*نداوي اللحم المفروم بالتوابل ودبشة وملح ونكور كوريات

*نحشي البطاطا باللحم بهذه الطريقة ونعبز مليح حتي تتماسك




*نسخن زيت للقلي حبات البطاطا المحشية



نضعها فوق مناديل تنشف من الزيت



*نكونو حضرنا مرق ابيض سابقا بكريات من اللحم حتي يجي بنين


في مول الفرن نضع حبات الطاطا المقلية ونصب فوقهم المرق وندخلهم الفرن حتي تنشف المرق شوية وتربي عليهم فروماج

وها هو الطبق واجد للاكل






تفضلوا




ان شاء الله يكون عجبكم الطبق
دعوة منكم تكفي
سلام