مشاركتي في مسابقة شاف كوزينتنا &الطبعة الثانية&-التحلية&

[بريق الامل&]

اهلا وسهلا بحبيباتي حضن جماعي بمناسبة هذالحلقه الاخيرة للطبعة الثانية من مسابقة شاف كوزينتنا وهي مسابقة استثنائية
عارفين علاه سميتها استثنائيه لعدة اسباب
حلقه جمعت بين الحب والغيره والكوميديا والاكشن والمصارحه والمفاجأة وووو
طبعا المكون كان شوكولا وانا اخترت
شارلوت(تيراميسو) بموس الشوكولا






كما هي موضحة بالصورة

الطبقة الأولى:
كريمة بيضاء
150 غ كرام شونتيي نطلعها بنصف كاس حليب ونضيف فنجان كرام فراش تطلع ونضيفلها 5حبات فرماج كيري وحليب نيسلي مركز حسب درجة الحلاوة الي تحبي
نطلعها ونحطها في الثلاجة

الطبقة الثانية:
وهي طبقة موس الشوكولا
نفصل 3 بيض البياض مع قرصة ملح نطلعو كاثلج



وال3صفار نخلهم مليح
ونرجع للشوكولا نذوبها على حمام مريم استعملت150 غ شوكولا +2 مغارف كرام فراش+30 غ زبدة ونخلط مليح تولي تلمع






بشكل رهيب امممممم نضيفا على الصفار ونخلط بسرعة ونزيد مغرف سكر قلاسي ونخلط بالباتور تتشكل كريمة
نزيدلها بياض البيض الي طلعناه ونخلط بملعقة خشبية او سباتيل بالشوية من تحت للاعلى
اممممممممم ولا الذ
هنا الكريمتان واجدة




ناتي بمول كنت رايحة نستعمل الي يتفتح ما ساعدنيش كبير
استعملت اناء اخر غلفتو بورق سيلفيغيزي
وغطست بيكوي بودوار في قهوة نيسكافي حلوة نغطس القاعدة برك بخفة ونحطو على طول محيط القالب و القاعدة
ونحط جزء من الكريمة البيضاء


وقطع من الفراز
ثم طبقة من لاموس تاع الشوكولا ونقطع نص حبة بنان
ونزيد طبقة من الكريمة البيضاء
واخيرا
نذوب50 غ شيكولا ومغرف كرام فراش ومغرف زبدة طرية نتحصل على قناش الشوكولا نفرغو كطبقة اخيرة

وندخلو للثلاجة على الاقل 6 ساعات ومن الاحن يبات
وزينتها بفراز مغطس في شيكولا واشكال من شوكلا ذوبتها بدون اضافات وقدمتها
ودرت ثاني طبقات في الاكواب
طعمها لا يقاوم
اليكم الصور














ان شاء الله ختامها مسك وتلقى استحسانكم وصوتولي
وربي يحلي ايامنا
الى اللقاء