خبز الدار من مطبخي بالخطوات المصورة أروع من الروعة

[oum anas 69]

البسملة1
واش حوالكم أخواتي إن شاء الله لاباس
اليوم جبتلكم طريقتي في صنع خبز الدار سهل و طري و هش جدا جدا ، أنا معتمداتوا في رمضان أو كي يجوني الضياف
هو يشبه البريوش في الخفة و لذيذ جدا مايتشبعش و يحمر الوجة قدام الضياف
المقادير هي:
500 غ فرينة
1 ملعقة أكل خميرة الخبز الفورية
1/4 ملعقة قهوة خمرة كيميائية
2 بيض كاملين
ملح حسب الحاجة
4 ملاعق أكل سكر عادي أنا إستعملت 2 ملاعق فقط ولي تحوس يجيها كي البريوش تستعمل 4
100غ زبدة طرية بحرارة الغرفة
حليب سائل دافئ حتى الحصول على عجين طري جدا
للدهن: بيضة + قطرات زيت + قرصة ملح
جلجلان أو سانوج أو الإثنين معا للتزيين



نضع مقادير العجين ما عدا الزبدة نضيفها في الاخير حتى تنسجم جيدا
يجب أن يكون العجين طري جدا نعاونو يدينا بشوية فرينة





نلم العجين و نكورها و نتركها تختمر المرة الاولى جيدا مثل الصورة





ننفشها اي نخرج منها الهواء و نزيد نتركها تختمر للمرة الثانية ماتديش الوقت بزاف




هنا إختمرت للمرة الثانية نقسمها إلى 6 أجزاء متساوية ونشكل ظفيرتين كيما راه موضح
*









نحطهم في صينية الفرن متباعدين و نغطيهم بمنديل نظيف و نتركهم يخمروا للمرة الاخيرة


ندهنهم بالبيض و نرشهم بالجلجلان او السينوج او اي شئ آخر و ندخلهم للفرن يطيبو من تحت ثم نشعل من الفوق يحماروا و رايحين تشموا رائحته امممممممم رائعة و تشهي



أتركيه يبرد قليلا قبل تقطيعه لأنه هش كثيراااااا و قدميه لعائلتك او ضيوفك بالصحة و الراحة













نتمنى تجربوه لانو علابالي بلي راح يعجبكم
ملاحظة تقدري تشكليه كيما حبيتي كريات فردية او كورون او وردات ...... إلخ
فقط انا أضفت ملعقتين ماء الزهر لاني احبه اعطاه رائحة رائعة
ممكن تنسميه بالفانيليا او البرتقال او الليمون او كيما تحبي
في الاخير ارجو منكم الدعاء لي و لكم بالمثل إن شاء الله