بيتك جنتك ورضاء ربك مبتغاك 2

[/زهرة عصفور الجنة/]

السلام عليكن اخواتي الاخت فاطمة ما شاء الله عليك.اليوم برنامجي طويل رجعت لتوي من المدرسة احذت ابني . ابنتي اليوم ما يقراوش يعني تقعد باه تراجع.غسلت الماعن والان رايحة ندوش باش نصلي الحمد لله ربي يثبتنا برك الشغل نخمل غرفة نومي والصالون ونطوي شوية حوايج الغدا عندي.نجيب ابني ان شاء الله يتغداو والى الدراسة بنتي عندها لغة وفرنسية غدا ان شاء الله. اذكار الصباح نحاول نسمعهم كي نرتب الغرفة.. والحفظ تاع سورة الكهف نحاول نحفظ شوية بعد صلاة الظهر ان شاء الله.ولازم نخمم واش نطيب عشا يا رب وفقنا لما تحبه وترضى.الوحدة لما تكون ساكنة وحدها تقدر تنظم وقتها على حساب ظروفها لكن كي ما تكونيش وحدك الحاجة لي تديريها تلقايها تهردت قبل ما تستمتعي بنظافتها للاسف