جينوازفلة + لمسة ام رامي = طورطة الوهرانية 1

[الوهرانية 1]

تحية لكن حبيباتي بمناسبة عيد ميلا اختي عملت هاد الطورطة وحبيت نتشاركها معكم ممكن تفيدكم في مناسباتكم السعيدة والله يكثر منها انشاء الله
المهم اولا كيما قرتو في العنوان
الجينواز للاخت فلة ربي يخليها موجودة في هاد الرابط
https://www.djelfa.info/vb/showthread.php?t=1116647
وكريمة الفلان بلمسة قطع الموز هي للاخت ام رامي ربي يحفظها في هاد الرابط
https://www.djelfa.info/vb/showthread.php?t=912179
وكريمة الزبدة نعتمدها من قبل وحتى في بعض حلويات الصابلي
ربع لتر حليب +3 ملاعق مايزينة-قرصة ملح فوق النار حتى تثقل
بعد ماتبرد نزيدو 200غ مرغرين باردة+كاس سكر رطب+نكهة فاني او اي حاجة تحبيها هاهي جاهزة ونضربو بالباتور مليح

الفواكه من السوق ههههههه استعملت كيوي موز وتفاح وبرتقال

الباقي بالصور
الجنواز ضاعفت الكمية

فرشت كيس في المول ما عنديش مول مونتاج كبير

قطعت الجنواز على 2 وحطيت نصف في المول
سقيته بعصير دوق اناناس

درت نصف كمية الكريمة

حطيت النصف الثاني من الجنواز نثقبلي وحاولت نعدلو بطبقة اخرى

اسقيته بالعصير وحطيت النصف الثاني من الكريمة زدت ليها دوق فراولة

وحطيت بعدها قطع الموز ثم كريمة الفلان بطريقة الاخت ام رامي


حطيتها في الثلاجة نصف ساعة اقلعتها من المول ومقصت البلاستيك طبعا كان لازم حاجة عالية وما لقيت غير هاد الطاجين قدامي ههههههههههه لطليت الحواف بالكريمة ولصقت اللوز ايفيلي


وبديت زعمة نتفنن في التزيين




وهاهو شكلها من الداخل

نتمنى تكون عجبتكم
تحياتي