مشاركتي في مسابقة شاف كوزينتنا الطبعة الــ2(الطبق الرئيسي)

[كوزينة هديل]

دجاجتي الكبيرة تعيش في الحضيرة تبيض كل يوم بيضة كبيرة اعطيها لأمي فمرة تسلقها ومرة تقليها

بما انو المكون السري كان دجاج قلت ندير دجاجة وبيضاتها إن شاء الله تعجبكوم وسمحولي إذا طولت عليكووم


قبل ما نحط المقادير قلبت المارشيات نحوس علا مول دجاجة مي مالقيتش alors نوريلكوم كيش درت هكا نعطي فكرة لي حابة جرب طبق تاعي

جيبي ورق الألمنيوم وتويه على 5 ورسمي دجاجة كما حبيتيها من بعد قطعيها كيما ف صورة



ونحطوها في صينية



دوكا نجوا للمقادير



صدرة تاع دجاجة
معدنوس مقطع رقيق
بصل
ملح
فلفل أسود
راس الحانوت
شابلوغ
زيتون أخضر
فروماج حب ورابي
ورقة رند
موتارد
ليمونة
بطاطا مهروسة




ندهن صدر جاج بالليمون من بعد نرحوه



نقسمو جاج تاعنا على 2 نصف نديرو بيه جاجة ونصف نديرو بيه عش الدجاجة

في إناء ديري نصف دجاج ضيفيلو بصل ملح فلفل راس الحنوت والخردل وخلطيه



جيبي هذاك المول بيه بصينية
ونذرذرو فوقوا شابلوغ



نديرو كوش تاع دجاج من بعد نغطوه كامل فلفروماج



نغطيو لفروماج بطبقة تاع جاج وندهنوه بلبيض ونديرو فوقوا لا شابلوغ ونخلوه يرتاح باش يشد روحو






بعد ما يريح نغطوه بورق الألمنيوم وندخلوه يطيب فلفرن



دوك العش

نضع النصف الباقي من الدجاج في إناء ونضيف البصل معدنوس الزيون الملح وراس الحانوت والفلفل الأسود ونخلطوهوم



ونشكلو العش وندخلوه يطيب




[B]دوك نجوا للبياضات

جيبو هذك البطاطا المرحية ونديرو في وسطها فروماج ونشكلو بيضات كما ف صورة



نغطسوها في البيض من بعد نرمدوها في لا شابلوغ



ونحطوها تتقلى

صوص الدجاج


بصلة مرحية
سنينة ثوم مرحية
1 ملعقة خردل
2 ورق رند
زعفران
champignon
كريم فراش
كاس ماء


نقلي في قليل من الزبدة قليل من الدجاج والثوم والبصل والخردل ملح وفلفل أسود



كي يتقلاو مليح نضيفو كاس ماء و-champignan والزعفران رند
كي يطيبو أضيفي 180 غ كريم فريش ونحيها من الفرن



كي نكملو نزينو الطبق تاعنا ; وللتزيين نحتاج إلى :

سلق طايب
شمندر طايب
جزر طايب أيضا
وفروماج مبشور
champignon







وهاذي عن قرب




إن شاء الله يعجبكوم وتصوتولي

شهية طيبة