المقروض المالح ;) وصفة الشاف بتطبيق مساعد الشاف هههههه

[أنا أمهم]

السلام عليكم و رحمة الله و بركاته
بسم الله



للأمانة هي وصفة الشاف فلة , بتطبيق مساعد الشاف أنا أمهم هههههه
يعني الوصفة من إقتراح فلة و التقديم من مطبخي















الطريقة :

تسلقي 1 كلغ بطاطا في ماء و ملح و كركم (اختياري). (أنا هنا كانت الكمية أقل: تقريب 1 كغ إلا ربع)

إرفسيه بالشوكة مليييييييح حتى تتحصلي على عجينة مثل الصورة اللي تحت, و بعد أضيفي 1 م ص خميرة حلويات, ملح, بهارات (هنا حطيت بهارات الدجاج : كليل و زعتر و ريحان.....), 3/4 ك خبز مرحي , 1 م ك زبدة طرية








أعجنيهم مليييييييييح , تتحصلي على هذه العجينة :




كنت محضرة الحشو من قبل , و هو اختياري !!!!! يمكن باللحم المفروم و يمكن بالدجاج , هنا استعملت 2 صدر دجاج ( و كانت الكمية كبيييييرة يعني يكفيكم صدر واحد )


قليت لحم الدجاج مع بصلة صغيرة مقطعة, زيت زيتون, ملح فلفل أسود, بهارات, م طماطم معجونة, و 1 طماطم مبشورة (أنا دايما عندي طماطم مبشورة مثلجة ههههه للوصفات السريعة !!!!!), تشوفوه الحشو هنا في الصحن على جنب :






التشكيل : (تشبه طريقة المقروض العادي)



رشي على مكان العمل شوييييية خبز مرحي, شكلي في ايدك حربوش طويل من البطاطا, حطيه و اضغطي في الوسط حتى تحضري مكان للحشو





حطي الحشوو و اضغطي شوية بقفا ملعقة :




لمي الجوانب باستعمال الأصابع, برفق ههههههه شوفو هنا الرقة ههههه:






اقلبي الحربوش, و حسني من الشكل,

حاولي تطولي في الحربوش : اضغطي من فوق بصوابع ايدك اليمين و بصوابعك اليسار حددي عرض الحربوش, إن شاء الله تكونو فهمتوني : المهم ركزو هنا من النتيجة تفهمو كلامي هههه:
(و ما تعملوهاش رقيقة برشة!!!!! يعني متوسطة الحجم)








قصيهم في شكل مقروض, زينيهم بالنقاش, و حطيهم في طبق مدهون بالزيت : (او افرشي عليه الألمنيوم و ادهنيه بالزيت

ادهني المقروضات بشوية (حليب و أصفر بيضة) :


في هذه المرحلة تقدري ترشي عليهم جلجلان :




حطيهم في فرن سخون 220 درجة, النار من تحت و من فوق, و حطي الطبق في الوسط, خليهم حتى ياخذو اللون الذهبي :







بعد ما يبردو شوية , قدميهم : يمممممممممممممممممي يمممممممممممممممي تعجب الصغار و الكبار












ربي يجازيك كل خير يا فلة , وصفة هايلة



نتمنى تجربوها , ساااااااااااااااااهلة و بنيييييييييييييييينة