كيكة جديدة طعمها لا يقوم من مطبخي امممممممممممممممم

[بريق الامل&]

السلام عليكم ورحمة الله وبركاته

اولا نبدا بالصور وقولولي رايكم
الحقيقة طعمها مميز وطريقة طهييها اكثر تميزا
وهناك مكون سري هو من ميزها ههههههه
اذا عجبتكم نحط الوصفة
انا اغرمت بها ههههههههههههههههه

























انتظر اراءكن
ما نطولش عليكم ما نحبش نسخفكم بزاف
اولا هذ الكيكة اسمها كيكة طبقات القرفة
شدتلي انتباهي ايضا بالقرفة و طريقة طيابها فقررت نجربها مع تغيرفي المقادير استعملت مقادير كيكتي موالفة نديرها


المقادير
4 بيض او 5 على حسب الحجم انا ديما استيس باش تنجحلي الكيكة او المايوناز نفضل نحط البيض في ماء سخون خاصة في البرد وخلطتها في طاس الميكسور
حطي البيض وقرصة صغييييييييييييييرة ملح وشغلي الخلاط
زيدي كاس مش معمر سكر
وخلطي ممليح حتى تبياض
ونصف كاس زيت ودائما الخلاط شغال
2 علب ياؤورت
2كاس فرينة مخلطين مع2 خمارة

علما انا استعملت نصف المقادير وتحصلت فقط على ثلاثة طبقات لان المول تاعي صغير المرة الجاية نستعمل كامل المقادير كما كتبتهم الان في مول اكبر وثلاث طبقات فقط انت وش تحبي تقسمي الخليط الي يساعدك

الخليط المميز او المكون السري
هو مغرف كبيرة كاكاو من النوع الجيد البني الي برائحة الشيكولا كاين انواع مش مليحة تقول ملون اسود
+مغرف كبيرة سكر قلاسي+مغرف صغيرة قرفة مرحية وهذا الي يميزها وصدقوني يمدلها بنة رهيبة
امزجيهم مليح

نرجعو لطريقة طيابها كفاش

اشعلي الفرن من تحت فقط عادي
وادهني المول من الافضل مربع او االي عندك مدور
معليش
هنا انا قسمت الخليط 3 اجزاء فقط وانت حرة بصح عيني ميزاني
تاخذي جزء تفرغيه في المول والى الفرن اطيب عادي واشعلي من فوق وحمريها شوية برك كما موالفة
خرجيها من الفرن
بواسطة مصفاة انثري شوية من الخليط على كامل المساحة او انثري بيدك برك اي خليط الكاكاو والقرفة والسكر الرطب
وفرغي الجزؤ الثاني من الكيكة حاولي بشوية برك سويه بيدك او بمغرفة غير بالتأني
في هذ المرة طفي الفرن من تحت وطيبي من فرق انا طيبتها في فرن كهربائي
مهم تقعدي تعسيها لان الطبقة رقيقة واطيب بالخف
تشوفيها حمارت خرجيها وبنفس الطريقة انثري جزء من خليط القرفة وفرغي الجزء الاخير من خليط الكيكة
للتاكيد انا قسمتها على3 ممكن اكثر وما استعملتش كامل خليط القرفة بقالي خبيتو
وترجعيها للفرن وثاني ديما من فوق فقط وتحمريها وتخرجيها
ممكن تعاودي تشعلي من تحت لبضع دقائق للتاكد من نضج الطبقات جيدا
انا مادرتهاش لاني متاكدة الفرن تاعي يطيب مليح
وردي بالم تبعديها او تنسايها ابقاي حذاها عسيها اطيب بسرعة
كي اطيب
ديري عليها حليب نيسلي المركز المحلى شوية مش بزاف على كامل الوجه ورجعيها لفرن طافي خليها بضع دقائق
وزينتها بمبشور الشيكولا
وخليها تبرد وقدميها
ممكن تزينيها بخليط النيسلي وفرماج كيري وتزينيها بخطوط بيضاء وملونة بشيكولا
او بالكرامال او كما تحبي لك حرية التزيين
بالتوفيق