mini cake

نسمة16 · 2013-01-18, 21:14

السلام عليكم ورحمة الله وبركاته

المقادير

200غ مارغارين
200غ سكر عادي
ملعقة قهوة فانيليا
4 حبات بيض (55غ*4)
قرصة ملح
400غ فرينة
1 خميرة نوارة

جميع المواد تكون بحرارة الغرفة يعني نجبد المارغرين والبيض منقبل

للديكور
جولي او معجون مشماش
لوز ايفيلي

ندفي الماء ونديرو البيض لداخل نخدم مليح المارغرين حتى تولي كي لاموس منبعد نضيف السكر بشوية ونخفقو مليح منعد نضيف البيض حبة بحبة ثم قرصة الملح ونواصل الخفق حتى يولي الخليط مبيض.
نضيف الفرينة+الخميرة+الفانيليا مصيرين ونخلط بسباتول او ملعقة خشب من فوق لتحت
نعمر المول تع الكعك 3 ارباع وندير حفرة في الوسط بواسطة ملعقة صغيرة نديروها في زيت باش كي يطيب يكون مفلق

نديروايفيلي من فوق كما نحبو قبل ولا بعد الطياب كي يطيبو نخلوهم يبردو شوية قبل ما نحوهم من لي مول مبعد نديرو لاجولي من فوق ولا سكر قلاص