كوكبة بكالوريا 2011

[sarah milano]

[QUOTE=~ منصـ‘‘ـف ~;12418850]السلام عليكم
sara milano
لاحظت في أحد ردودك أنك تحصلت على علامة 16.5 في مادة الفرنسية , أعلم أنها مادة تدرس في الطور المتوسط و الثانوي بنسبة أقل لكن وصلني من بعض الأصحاب أن هناك من نال علامة جيدة فيها ولا يملك رصيد لغوي كاف .

هل من نصائح تزفينها لنا علنا نستفيد منها قدر الإمكان في هذه المادة ؟

وفقك الله

و الله اتدكر عندما كان عندي 5سنوات كنت نعرف غير oui و non و عند مشاهدة البرامج نقول لماما قاللهم ouiو نفرح لانني فهمت كلمة و هده حاجة مهمة اعتقد ان هناك العديد من اللذين لا يحرزون اي تقدم لانهم يحبوا يعرفوا كلش على مرة و يحتقروا واش يعرفوا
وهذالتصرف سلبي جذا لاننا مهما عرفنا مراحين نعرفوا والوا و واش تتعلم هو كل ما تحتاج اليه "وما اوتيتم من العلم لا قليلا "
كما ان اللغات تقدر تبدا وين تحب بواش تحب كل شي عنده فائدة كل كلمة جديدة تتعلمها كل حاجة ديرها تحتاجها ليس كالرياضيات التي مثلا انك تتعلم الدوال الاسية في الرابعة متوسط لن يغير شيئا

و انا متأكذة انك تعرف كلمات تفهم اشياء و من هنا تبدا انطلاقتك لازم الثقة في نفسك
ثم ثاني حاجة لازم تحب المادة لي راك تقرا فيها انا هكذا تعلمتها متقدرش تتخايل شحال نفرح كي نبدا نتعلم لغة جديدة و الله و كل كلمة نتعلمها نقعد غير نعاود فيها و نحاول نوضفها في جمل

كذلك الاحظت ان موضوع الباك 14 نقطة على فهم النص لا وجود لا للقواعد و لا اي شي اخر لذلك انصحك بكثرة المطالعة ميهمش واش من حاجة تقراها و انا دائما قبل ما نرقد نقرا كتاب و اعتقد مكانش واحد من الناس اللذين يتقنوا اللغة الا و تلقاهم يقراو كتب مما يجعلهم يكتسبوا رصيد لغوي

و الرصيد اللغوي كيف تكتسبه ?
انت كاين كلمات تعرفهم معنتها متقوليش مراك فاهم والوا اعتمد عليها ثم يبقاو كلمات ربما متفهمهاش عادي اقعد تعاود فالجملة حتى تفهم ما يقصد من الجملة يعني ماشي لازم تعرف كلش
كما انه في الباك يمدولك اقتراحات و هدوك الاقتراحات و الله في دقيقة تفيق شكون صحيحة حتى و انك متعرفش بزاف و هده مساعدة

و كاين مرات يقولك على من يعود الضمير نتا كي تكون فهمت الجملة عادي راح تعرف

و كاين الاسئلة التي يقدم لك جملة و يقولك اجبد من النص جمل لها نفس المعنى انت واش دير روح للنص و سطر على كل الجمل التي تبانك قريبة لها في المعنى ثم اختر التي تبانلك الاقرب و الادق

و اسئلة صحيح و خطأ كدلك من النص فقط كاين مرات يدير كلمات مكان كلمات و هنا انت و رصيدك اللغوي انت و محاولتك لفهم الكلمات هذه في هذا السياق للكلام

كاين اسىئلة مباشرة تولي للنص متزيد حتى حاجة من عندك

كاين اسئلة ماهو العنوان المناسب للنص كي تفهم علماش راو يحكي تبانلك اقربها ،،

ثم الفقرة دير برك compte rendu يعطيولك ثلاث نقاط انا صراحة النقاط دائما تروحلي هنا ،

كخلاصة لازم تبدا تتعلم و احسن طريقة هي المطالعة و محاولة توظيف ما طالعته و محاولة التكلم باللغة
صراحة انها طريقة ناجحة محاولة تكلم اللغة اتدكر كي كنت في السنة الاولى متوسط كنا انا و صحباتي غير تلحق حصة انجليزية نتفاهموا نهدروا غير الانجليزية
اما الفرنسية فحاول التكلم مع شخص يتقن اللغة انا كنت مع ماما نهدر و هي تصححلي و اذا كاش كلمة واش معنتها هادي و هادي حتى تعلمت

يعني شوف كاش فرد من عائلتك و اقعد اهدر معاه حتى على مواضيع علمية او ما شابه ستجد نفسك مظطرا الى استعمال الكلمات والكلمة التي تنقصك ستتدكرها و ياك هذه طريقة جيدة مستعملة في البلدان الغربية ياخ لي يحب يتعلم لغة يروح سيجور للبلاد الاصلية يتعلمه عادي

كما انك ستحتاجها في الجامعة فكل شي يدرس باللغة الفرنسية يعني ايماجيني قريت و كلش ثم يجيك سؤال رغم انك درسته لن تجيب عنه لانك لم تفهم اللغة و سوغتو لي يقراو طب لا ن المواد التقنية تسلكها عادي لانها تعتمد على الرياضيات لغة عالمية

و بالتوفيق اتمنى انني استطعت افادتك و لو قليلا ،
و كاين العديد من اللذين استطاعوا الحصول على 17,5 رغم انهم ضعاف في المادة كمثال اللذي كان الاول في باك 2011 رغم انه لا يتقن اللغة اتدكر انني قرات مجموعة من نصائحه كانت باللغة الفرنسية ...

و اعتقد ان الاخت amina قالت كل شي و حتى مواضيع تاع لغات اجنبية كيما تاعنا ،