البسملة1
السلام عليكم علبكم ورحمة الله تعالى وبركاته
تطبيقي لصباح اليوم هو كالتالي
اليوم بما اني مالقيتش بقية البرنامج قررت باش ننظف غرفة ابني راها باقيتلي غير هي (وبعت مشاركة البارح باش نتافقو على بيت وننظفوها مع بعض مي كيما قلتلكم النت قريب هبلتني )
الجانب الديني الحمد لله قراءة القران+الاذكار+الوضوء قبل النوم+الصيام (الله يتقبل منا ومنكم)
الجانب التجميلي منعدم ما عدا غسل الوجه بصابونتي (مانبغي نحط حتى حاجة مين نكون صايمة لا كحل لا كريمة لا فازلين)
الجانب التربوي الحمد لله بفضل الاساتذة نتاع المنتدى الكرام وحبيبتي ليلوشة راني نستدرك فالنقص نتاع ولدي في اللغة
الجانب التنظيفي اليوم نظفت غرفة ولدي تنظيف عميق خرجت الماتلا للسمش ومسحت السرير والميكرو والتلفاز والمكتبوغسلت التاقا والباب وبدلت ليزار وساعدني مول الدر نقيت كامل لي ليستخ نتاع الديار وسيقت ومديت لولادي فطور خفيف (ما صاموش مازالو صغار)
ومبعد صليت الظهر ورابيت الطوماطيس باش نديرها على طريقة ام ملاك الغالية وخليتها تقطر وغسلت البوقالات باش نديرها فيهم ومبعد وجدت الحريرة ودرت لحم الدجاج يطيب (راني ناوية ان شاء الله ندير حريرة وبسطيلة وسلاطة)
وقلت نجي نكتب التطبيق نتاعي خيما لا يصرى فيا كيما البارح