الدورة الثامنة "الرقي بمدبرة منزل مثالية "

[بنت الجزاير الغالية]

راني جيييييييييييييييييييييييييييييييييت
أسعد الله يومكم يا أغلى صحبة
واش راكم كــــــــــــــــامل
توحشتكم بزاف
مريومة الحنونة يسقسي عليك الخير
إنت الوحيدة اللي تفكرتيني واش درت في الميموار نتاعك
شهرزاد ربي يشفيك إن شاء الله
وفاء الحمد لله كي بدلتي بنتك تهنيتي من هذاك الأستاذ
سندس راني أول مرة نشوفك معانا بسم الله ماشاء الله راكي تمدي للواحد جرعة نشاط قوية
باقي البناويت ربي يوفقكم إن شاء الله و يكون معاكم
هذه الفترة كنت غايبة عالدار و روحت واش راح نقولكم ولات غابة هههههههههههه بلا حيوانات
المهم القش كان كثير جدا نقصت الأبيض كامل و غسلته بيدي و غيرت الفراش تاع غرفة الجلوس و غسلته و سيقت الدار كامل و الدروج و غسلتله الفايونس و اليوم نغسل تاع الصبابط حاشاكم و ننفظ الهول و الغداء راني ندير دوبارة حمص و العشية تارتولات
بالنسبة للبرنامج الديني الحمد لله راني مواضبة عليه
الجانب الجمالي غير دوش و ماسك لوجهي هذا واش ندير و الله الوقت يجري و ما نكملش
الأولاد راني مواضبة معاهم في التربية و الصلاة و المراقبة العامة و راهم بادئين بداية مشجعة نتمنالهم التوفيق هوما و جميع أولاد المسلمين