السلام عليكم
وشراكم ان شاء الله تكونو كاااامل بخير .....توحشتكم توحشتكم بزااااااف الحمد لله الي ثبتولنا الموضوع علابالي غبت عليكم و لكن راني نسيي مرة على مرة نلقى شوية وقت و نطل عليكم
حبيت نقولكم بلي الهدف من الدورة اننا نرقى بانفسنا في سلم الازدهار و نعيشو حياة نكون فيها قريبين و من المولى عز و جل في بيئة نظيفة و مرتبة تبعث على السكون و الطمانينة ...ايمالا ان شاء الله كل وحدة فيكم راهي تطبق في البرنامج و لو بجزء بسيط -مع اني الاحظ بعض التقصير و الكسل يا نحولات-حتى لو ماتكتبوش تطبيقاتكم المهم كل نهاية يوم تحاسبو انفسكم و ان شاء الله تكونو راضيين على اليوم نتاعكم
lili rose بارك الله فيك و في الافكار الي راكي تفيدينا بيهم و شكرا جزيلا على حرصك وضع البرنامج لكل يوم ربي يخليك لينا يااااربسلمينا على جدتك -ربي يطول عمرها ياااارب
شهرزاد لاباس على بنتك طمنينا عليها ان شاء الله خير بوسيلي الكتكوتة دعاء و عن نفسي ندعيلك ان شاء الله ربي يثبتك على طاعته و صدقيني راح تذوقي ظعم السعادة في العبادة ...ربي يرزقك و زوجك و جميع المؤمنين الفردوس الاعلى ياااارب
miiiina مينوشة مرحبا بيك معنا و دخولك للدورة اضفى لمسة نشاط كبييير ...مرحبا يا الغالية
بنت الجزائر الغالية ميمي وشراكي ان شاء الله بخير ربي يقدرك يارب و نبشرك بلي راني ماشية مليح في حفظ سورة البقرة لكن لظروفي -الله غالب- راني نحفظ غير بالزوج ايات تحياتي يا الشاطرة
وفاء سعاد وشراكي حبيبتي ان شاء الله بخير الله يبارك على نشاطك و ربي يقدرك ان شاء الله ....يادرا بنتك رجعت تقرا ة الا لالا اتهلاي في روحك بزااااف