كيك روشي من ابتكاري من مطبخي وبالصور

[الوهرانية 1]

بسم الله الرحمان الرحيم
اليوم غادي نقدم ليكم نوع من حلويات عيد الميلا د بصراحة عنده قصة كان عيد ميلاد اخي الكبير وحبيت نتفنن ونحضر ليه طورطة الشوكولا طبعا الوصفة مجربتها ولكن هاديك المرة ما صدقتش وجاني الكيك رقيق قمت بابتكار هاد النوع ومن هاداك النهار راني نعتمد عليه في المناسبات بطلب من العائلة نتمنى تستفادو اما بالنسبة للاسم كي سقساوني خواتاتي هاد القاطو شباب كي سموه حشمت نحكيلهم القصة في البداية قلت حتى يدوقوه قلتلهم سموه كيك روشي هههههههههه
المهم نتمنى يعجبكم على بركة الله
كيك روشي

المقادير / 8بيض -335سل حليب-240غ سكر -4 خميرة حلوى - 150 غ زبدة ذايبة - 2 فاني - 3 ملاعق كاكاو - 300 غ فرينة -
للتزيين / نحتاج الى كريم شونتي - حبات شوكولا جاهزة انت وذوقك تنباع كيما فيريرو روشي لكن انا اسنعملت النوع الرخيص منكدبش عليكم في المحلات واختاري انا شريت نع 5 دج ونحتاج ايضا الى شوكولا دائبة
طريقة التحضير / نضرب البيض مع السكر والفاني حتى يتضاعف الحجم ويصبح ابيض
نضيف الزبدة والحليب دون التوقف عن الخلط ثم الكاكاو دون نضيف الفرينة ممزوجة مع الخميرة بواسطة ملعقة خشبية

ثم ندهن مول مستطيل او مربع ونرشه بالفرينة ونضع فيه الخليط والى الفرن


بعد مايطيب نقطعه الي دوائر وكل دائرة نفتحها في الوسط وباقي الحواف نفتتهم


نحط الكريم شونتي ثم الفتات


ثم الكريم شونتي والدائرة الثانية


باقي الفتات نضعة في زلافة ونخلطه مع الكريم شونتي


نضعه فوق الحبة ونلصق حبة شوكولا في الوسط بواسطة شوية شونتي


تصبح الحبة بهدا الشكل

نذيب الشوكولا نضعها في كيس ونرسم خطوط فوق كامل الحبة

شكلها عن قرب


خرجتلي 15 حبة


صورة من الطاولة

وهادو مني ليكم

تحياتي