ساعدني يا لحراير جازاكم الله

[zaklam]

هذه حلوة الطابع بشكل طبقات ساهلة جدا لأخت أم منذر في منتدى ثاني

المقادير

• فرينة + كيلة سكر + كيلة زيت+ كيلة بيض + زاست قارص + فاني + 1 كيس خميرة كيميائية+ شكولا بودر.

للتزين: معجون المشمش + نواة كوكو



الطريقة

الحاجة الاولى: شعلي الفور وخليه يسخن
الحاجة الثانية:
غربلي الفرينة 3 مرات وخليها (كل ما غربلتي الفرينة كل ما القاطو جا خفيف و بنين)

خلطي البيض مع السكر مليح ، زيديلو الزيت، الزاست و لا فاني و خلطي .
زيدي غربلي الفرينة مع الخميرة و حطيها حتى تتحصلي على عجينة طرية (يليق ما تنشفيهاش بزاف غير قد ما تتلم برك).

اقسميها على 2.
النص التاني زيديلو الشكولا (أو كاكاو)
اقسمي القسم الابيض على 2 و الشكو على 2


حطي عجينة الشكو و عليها البيضا ثم الشكو ثم البيضا بشكل خبزة



بيديك حليها فالسنيوة المدهونة مليح بالزبدة و المرشوشة بالفرينة

دخليها للفور ربع ساعة و نحيها
ادهنيها بالمعجون المحلول في شوية ماء سخون (أو ديري العسيلة اذا معندكش المعجون) و ذري عليها النواة كوكو
قطعيها مقروطات و قدميها


للأسف معنديش رصيد كافي باش نحط الصور
أتمنى نكون أفدتك