╣☼╠★★ الصيدلة -اطرح سؤالك وساجيبك ان شاء الله-ا ★★╣☼╠‏

[باربي الأصيلة]

المشاركة الأصلية كتبت بواسطة kiza99

السلام عليكم
صحا فطورك اختي باربي الاصيلة
ممكن اعرف في اي جامعة درست الصيدلة و كيف قضيت الايام الاولى في الجامعة؟

و عليكم السلام و رحمة الله

معذرة أخيتي لم أكن أدخل في الايام السابقة
درست الصيدلة في باتنة و الأيام الأولى كلها استكشاف و حاولت نتعرف على من هم أكبر مني و نسقسي قدر الامكان لأنه لي يسقسي مايتوهش
من ناحية الدراسة الفرنسية قلقتني شوي مع الأول رغم أن مستواي جيد في الفرنسية لكن يجيك الضغط تقراي كل شيء بالفرنسية تكرهي لكنك من بعد توالفي جداااا و تولي تهدريها بكل بساطة و تفهميها مليح
أنا حبيت الصيدلة جدا و كانت فرحتي كبيرة بالدراسة لكنك راح تشوفي أجناس جديدة و عقليات جديدة و أسلوب تعليم جديد لكن فقط ديري في بالك بلي لازم تتأقلمي و ديري قدامك هدف هو التفوق و الاجتهاد للحصول على التفوق

وصيتي لي نقولها و نكررها برنامج السنة أولى مضغوط بزاف صراحة و لازم عليكم دايما تكونو واجدين صافي الكور لي يطيح تطيحي عقابو لازم تكمليه حنا في باتنة كاين موديلات نديرو الكونترولات فيهم 3 مرات و كاين موديلات نديرو فيهم 2 مرات

لازم عليك من التريماستر أو السوماستر الأول تطلعيه باش من بعد في الفصل الثاني تخدمي غير شوية و تطلعي عامك كامل بإذن الله لاخطرش راح تتعبي مالا كي تتعبي اتعبي على الصح و كوني في الصورة مع الأول و الباقي راح يجي ساهل

إذا كنتي دايرة اقامة لأنني أنا دايرة اقامة فوصيتي ليك ماتخالطيش البنات بزاف أقراي في المكتبة كاين مكتبة في الاقامة يكون فيها جو دراسي و تنافسي و الشعب كامل يقرا باش تحفزي روحي ماتضيعيش وقتك تبكي على داركم ولا حاجة لأنك ديري الضغط على روحك فقط و هذا يأثر عليك سلبا ديري هدف في بالك تفرحيهم لاخطرش فرحة العام كي يطلع وحدهااا كيما قتلك اياك و ثم اياك البنات كاين الملاح و كاين لي ماش ملاح لذلك اعتمدي على نفسك في تسيير أمووورك و توكلي على الله دايما


و بالتوووفيق ليك