للإجابة على تساؤلاتكم حول تخصص الهندسة المعماريــــــــــــــــــــــة

[هاجر43]

المشاركة الأصلية كتبت بواسطة nedjema amirazed

Ma sœur on a un problème de la langue française parce que on a habitude de la langue arabe
je sai pa si il faut de commencer de étudier dés maintenant
svp est que tu peu de me donner ton faceb o E-mail
merci bq allah yejazik hol khir w ye3tik ma tetmentay nchallah
saha ftourek et shourekkk

مشكل اللغة ماتخافوش منو
كيما قلت للأخت اللي قبلك
كاين كلمات تتعلموهم وتكرروهم بزاف
خاصين بالميدان تاعنا تبقى طريقة التعبير والحديث هديك راح تكتسبيها بالممارسة
انت ابداي من درك اهدري بيها
خلطي برك ونحي المخاوف تاعك
ديجا اني نشوف باللي راكي لاباس فيها كملي هكذا إن شاء الله ماكانش مشكل
بلامزية يا اختي
وصحا فطورك انت تاني

[QUOTE=(( ريتاج مكة ));10939017][COLOR=royalblue][B]السلأآآآم عليكم اختي واخيراا وجدنا يد المساعدة من مهندسي المنتدى

فالاشرار تركونا لوحدنا كل التخصصات وجدوا من يساعدهم

ويطلعلهم المورال غير حنا

الحمد لله جئتي في الوقت المناسب

وعليكم السلام ورحمة الله وبركاته
هههه مرحبا بيك أختي
معليهش اني حاسة بيك

اولا اعرف بنفسي انا ناجحة في بكالوريا 2012 كنت ممتازة ونطمح

نكون من الاوائل في البكالوريا لكن قدر الله وما شاء فعل تحصلت على

معدل مشرف لكنه لا يعبر عن مستواي المهم

وجَهت الى تخصص الهندسة المعمارية والعمران بكلية الهندسة

قسنطينة 3 " زرزارة " والتي كان معدل قبولها هذا العام 14.49

اولا مبروك عليك الباك
والتخصص الرائع
وبالنسبة للمعدل حبيت نقولك ماتخافيش وماتقلقيش ختك اللي هي انا ههه اي صراتلي كيما نتي بالضبط مي نقولو الحمد لله وعسى ان تكرهوا شيئا وهو خير لكم

ولي بعض الاسئلة ونتمنى منك تكوني وفية للموضوع وتتخلايش علينا باه

نزيدوا نسقسوك (( ما تلوميناش اكي جربتي هذا الاحساس من قبل ))

لا معليهش إن شاء الله نجاوب الجميع
برك سمحولي على الإطالة رانا في رمضان وعلى بالكم

1/ لماذا هناك الكثير من العزوف عن هذا التخصص والكل يجري ورا

اي حاجة متعلقة ب " الطب " ولو حتى براميديكال

شوفي ختي نقدرو نقولو جهلا منهم بقيمة التخصصات الاخرى من بينها الهندسة شوفي فالدول الاجنبية ترتيب المهندس المعماري راهو فالقمة
وتاني تخوفا منهم على خاطر راهو تخصص شوية صعيب ومتعب وفيه تكسار الراس وشوية مصروف مي صدقيني الناس يدات تفيق وتقهم باللي لكل شخص اهميتو ومكانو والبلاد والعباد مايحتاجوش اطباء برك...

2 / في اي جامعة تدرسين ان شاء الله تكوني منيني لانك دخلتي قلبي

انا دخلت لجامعة جيجل لما لها من سمعة طيبة ومستوى رائع لكن اغلب الظن بالاك نرجع لقسنطينة كونها اقرب

3 /
انا مقتنعة ان تخصص الهندسة المعمارية و المدنية رائع

والعيب راهو فالبلاد لكن لماذا الناس هازين نظرة مش مليحة

عليها..مافهمتش

شكون الناس هذو يا أختي؟؟؟ صدقيني اي واحد يفهم راح يقولك راكي رحتي لاروع اختصاص وماتسمعيش للناس اللي الهدف تاعهم انزال الهمم وتهبيط المورال كيما نقولو
ويدا هبلوك بحكاية الرشوة قوليلهم باللي الرشوة كاينة في جميع الميادين وهذا الشي يرجع لتربية الانسان وخوفو من ربي والضمير تاعو
ونعطيك مثال عن الاطباء اللي يتاجرو بالأعضاء علاه ماقلناش الطب مهنة غير شريفة’’’
ولا الصيادلة اللي يغشو ويحتكرو الادوية ويبيعو المهلوسات .................وووو
وغيرها من الامور
ماتمرضيش روحك بالناس هذو وامشي بنيتك وتربيتك والله الريح مايقيسكش

4 / اخبرينا قليلا عن طبيعة الدراسة يعني كيفاه حتى بديتو تتعلمو

وتوليو مؤهلين تخدموا مجسمات ......ماتضحكيش عليا بصح انا كي

نشوفهم نقول بالاك انا مستحيل نقدر ندير هاذو

هل كان لك هذا الشعور قبل بداية الدراسة والعمل بالورشة

وسامحيني طوشتك بالاسئلة اتحمليني على وجه ربي

سامحيني اختي مبعد اني نكمل باقي الاسئلة تاعم وتاع الإخوة إن شاء الله
والله او رمضان مايعدش فيه العبد