موضوع مميز ╣☼╠★★ للطلبة الجدد في كلية الطب اي استفسار عن الطب او طب الاسنان هنا نجيبك ★★╣☼╠‏

(~ ..أســـامة .. ~ ) · 2012-07-17, 12:49

اقتباس:

المشاركة الأصلية كتبت بواسطة *عبق الياسمين*

السلام عليكم..
شكرا على هاذ المبادرة الطيبة منك خويا أسامة
أنا طلبت طب أسنان و ان شاء الله يعطوهالي
حبيت نسقسي على الفرنسية هل لازم ندخل دروس دعم علاجالها ولا ماكلاه؟
و ثاني على لقراية في عنابة خير ولا في العاصمة؟
و هل صح كي نعودو نقراو نعودو نقضو ليالي بيضاء بدون نوم؟؟؟
وشكرااااااااااا

و عليكم السلام

العفو ...... و مرحبا بك معنا في الميدان دكتورة

بالنسبة للفرنسية .... حقيقة كل الدروس باللغة الفرنسية و الشرح تاع الاساتذة بالفرنسية ... لكن في البداية فقط تجدين صعوبة مع الوقت تتأقلمي و تبدااي تتحسني

أنا في السنة الاولى كنت ضعيييييييييييييييف جدا في اللغة الفرنسية كنت اكره هذه اللغة و افضل الانجليزية .... و يقولو الازمة تلد الهمة بشوية بشوية تحسنت ..... و الان راني نفهم الاستاذ كيشرح و تبقى فقط بعض المصطلاحات الطبية نحوس عليها في المعجم

انا ما نقولكش ما تدخليش دروس الدعم لكن مشكلة تاااع الوقت ..... ضيقي على نفسك... لانني نعرف واحد صديقي من سوريا دخل دروس الدعم و داااتلوا قااع الوقت و عاود العام مرتين و في السنة الثالثة كان مثلي تقريبا فب اللغة حبسهم جاب عاامو ب 12 الله يبارك ..هذا مثال فقط

و شوفي انت و برنامج تاعك

بالنسبة للفرق بين كلية عنابة و العاصمة ....... نظري كيف كيف تقريبا في جميع الكليات تاع الوطن

لدي اصدقاء بزااااف في عنابة دائما يشكرووو فيها و جامي شكاو منها لكن بالنسبة لطب الاسنان فقط ...

و العاصمة ايضا فيهاا تطبيق راائع و مستوى عاالي لكن أنصحك تفكري مليييح في مسألة البعد عن البيت تأثر علييك بزااف مع الوقت .... اذا كنت قريبة من عنابة اقري تماااا .... المستوى لا يعتمد على الكلية و وينها خييرر بل يعتمد علييييك و على امكانياتك ......

و السؤال الاخيير .... نظن جاوباتك الاخت

حبيت اضيف

ليالي البيضاء كاينة منهاا صح انا قتلتني هههههههه لكن درت غلطة كنت نخلي الدروس تتراكم عليا حتى لياااالي الامتحانات ..

لكن اذا نظمتي وقتك و قريتي من بداية السنة و خصصتي ساعة كل يوم للمراجعة .... ايام الامتحانات تكوني مرتاحة و ماتشوفيش قااااع ليلة بيضاء ان شاء الله

و بالتوفيق ان شاء الله

سلاااااام

مشاهدة نتائج الإستطلاع: هل كنت مقتنع من اختيارك للطب او طب الاسنان
نعم بالتأكيد مقتنع	31	72.09%
لا اخترته بتأثير من شخص ما او عامل ما	12	27.91%
المصوتون: 43. أنت لم تصوت في هذا الإستطلاع