╣☼╠★★ للطلبة الجدد في كلية الطب اي استفسار عن الطب او طب الاسنان هنا نجيبك ★★╣☼╠‏

[محمد عز الاسلام]

المشاركة الأصلية كتبت بواسطة (~ ..أســـامة .. ~ )

مرحبا بك

اولا الف مبروك عليك النجااح ... و التفوق بمعدل عالي
ثانيا
متتقلقيش اختي .... صلي صلاة الاستخارة و ادعي ربي يوجهك لي فيها الخير لييك

و شوفي ميولك انت لانك وكااان تبعي هدرة الناااااااس و الله تندمي

نبدووووو بالصيدلة

اختصاص رائع و مناسب للفتيات و فييه الفهامة اكثر من الحفظ 6 سنوات و تتخرجي دكتورة في الصيدلة
المشكل تاعوو راهوو في الخدمة ... كتكملي القراية و تحبي تفتحي صيدلية ماشي ساهلة لازم تنتظري التصريح و بااااااش تجيبيه حتى تكرهي حياتك و هاذي كلام المجربين غي الا كانت عندك معريفة و كثروا الصيدليات في المدن لازم عليك تروحي للبيلديات و القرى و القانون الجديد يقولك لازم يكون بين كل صيدلية و صيدلية 100 متر و لازم تطلب قبول الصيادلة المجاورين لك باش تفتح انت تاني محلك


لكن اذا كنت تاكلة تكملي قرايتك و تجوزي الريزيدانا ممكن يكون عندك مستقبل رائع خصوصا في اوروبا مع شركات تصنيع الادوية




الطب ... بلا مانقول قااااااع الناس تحلم بيههه لكن انا اقولها للمرة الالف هو مليح بالنسبة للذكور لكن الاناث 12 سنة من الدراسة بزااااااااااافف
اذا كنت تحبي الاختصاص انا انصحك به لانك كلما كنت تحبين عملك تتقنين فيه



طب الاسنان و هو مجالي بصفتي طالب طب الاسنان

في رأيي الشخصي انا هههه هو الافضل 3 ....... ممكن اخر يعارضني لكن كل شخص و رأيوو

الدراسة نوعا ماا صعبة ... لكن مع الوقت و الاجتهاد تواالفي و يجيك كلشي سااهل

الدراسة ممتعة جدا من السنة الثانية الى السادسة ... لكثرة الجانب التطبيقي ماتكرهيش من القراية و الروتين

الصيدلة التطبيق حتى 5 و 6 و الطب حتى 4 5 6 و7





و الان لازم تشوووووووفي انت ميولك متتأثريش بعشقي لطب الاسنان هههههه


بالتوفيق ان شاء الله

و اخبرينا بجيدك

السلام عليكم
بارك الله فيك اخي
لكن عند كلامك عن اي شعبة وجب ان تكون متأكد من كلامك
1 يبن الصيدليتين 200 متر ماشي 100
2 التطبيق يبدا من السنة الاولى ونظن راك تعرف واش هو tp
3 الطب ماشي للذكور هو للجنسين وكي تتكلم على 12 سنة معناتها (الزواج) اولا كلش بالمكتوب ثانيا العديد تزوجو ومازالو يقراو
4 الناس كامل تسقسي على الخدمة كاين بزاف اطباء وجراخو الاسنان ريحو عام وزوج باش لقاو الخدمة
ادن خاوتي خيروا الحاجة لي تبغوها
وماديروش المقارنات
والسلام عليكم