بسكويت رولي Biscuit roulé

[مريومة21]

السلام عليكم ورحمة الله اليوم حبيت نقدملكم بسكويت رولي
المقادير :
5 حبات بيض وتقدري تديريه بربعة يكونوا كبار شوي
125غ سكر عادي ما يعادل 5 ملاعق كبار
125غ فرينة ما يعادل 6 ملاعق كبار
ملعقة صغيرة فاني او قشور القارس
قرصة ملح
والي تحب يجيها شوي طالع تحط ملعقة صغيرة خميرة وتقدري متحطيش خلاص
الشاربات :
كاس ماء
نص كاس سكر عادي
شريحة قارس
يغلي 2 دقايق ونحوه من فوق النار ونخلوه يبرد
الحشو:
انا حشيتها بالمعجون مدرتش في هاد المرة كريمة الزبدة وكرام شنتي

كيلة من كرام شنتي مع 2 كيلات من كريمة الزبدة نخلطوهم مليح ونكونا اضفنا منكه الفراولة في كرام شنتي يعطيها ذوق هايل
كريمة الزبدة

[

]

كرام شنتي creme chantilly

[IMG]]

كرام شنتي وزدنالها منكه الفراولة هاي كيفاه

]

الديكور :
شيكولا من فوق وبندق
التحضير :
البيض والفاني نخبطوهم مليح بالباتوور حتى يتضاعف حجم البيض 3 اضعاف كي نشوفوه بدا يطلع نزيدوا السكر ونخبطوا مليح لازم تطولي وانت تخلطي فيه بالباتور حتى يفتاح اللون تع البيض ميبقاش صفر والفرن نشعلوه واحنا نوجدوا في البسكويت تاعنا سخون 220 ونشعلوه من فوق ومن تحت كي يتخلطلنا السكر مليح نزيدوا الفرينة والملح واذا حبيتي شوي خميرة قاطوا ومهيش ضرورية الفرينة متزيديهاش وانتي تخبطي بالباتور
نزيديوها بالشوي ونخلطوا بالفوي ملعقة تاعنا من تحت لفوق باش لهوا يدخل ومتسرعيش وانت تخلطي غير بالشوي وكي تكملي في بلاطوا تاعنا نحطوا ورق الجرائد مش الي نقراو بيه كاين يديروا بيه ويقلك الحبر يروح كي تنحي الورقة بصح لالا انا منفضلش كاين عند الي يبيع حوايج الحلوى ورق الجرائد هايل في البسكويت رولي ميلصقوش

[

]

وكي طاب هاهو بعد منحيتلوا الورق شوي متحمرليش بصح معليش هو يبقى 8 دقايق في الفرن واذا متحمرش شعليلوا من فوق

[

]

كي نقلبوه نولوا نشمخوه بالشاربات الي كنا حضرناها خصوصا في الجوايه الي يكونوا قاندين يعني طايبين بزاف ومش شرط نكملوا كامل كيلة الشربات حتى يطرى برك ونحطوه فوق فوطة باه كي نحطوا فوقوا المعجون ونجوا ندوروه يجي ساهل

[IMG]

[/IMG]

كي لفيناه نغطوه بfilm alimentaire ومن بعد نحطوها في الثلاجة ترتاح ونزينوها كيما حبينا انا اول مرة زينتها بالشيكولا

[IMG]

[/IMG]

[IMG]

[/IMG]

ولا تحبي فوق اللوز ايفيلي

[IMG][/IMG]