الطفولة والاطفال واسئلة الامهات

[lyna2007]

المشاركة الأصلية كتبت بواسطة fayza81

اخت لينا راهي بنتي عمرها16 شهر محيرتني كانت توسخ مرة واحدة في النهار هذو ليامات راهي توسخ 4-5 مرات وماعندهاش لادياري هل هذا عادي؟ وراهي تاكل عادي في الصباح على 7 ترضع مني لاني عاملة نوضها على7 و على10 عندها موزة و على 11.30عندها soupe و على 4 مساء كانت تاكل ياغورت مي راهو كرهاتو عدت نمدلها موزة كاملة و على 8 مرة روز ومرة خضرة مفورة و مرة حوت واش رايك في هدا القائمة
و تاني 2 موزات في النهار ما راهومش بزاف عليها ؟

اكيد 2 موزات كثير جدا جدا لطفل 16 اشهر واحدة تكفي بالنسبة لليارووت حاولي مع petit suisse واذا كرهت منه خليها شهر او شهرين وعاودي اعطيلها يعني حتى تنساه وتتوحشوا والان رانا في موسم الفواكه ماشاء الله بلادنا فيها كل الخيرات لازم تعوديه تاكل المشماش البرقوق حب الملوك التين البخسيس الزعرور قطعيهم قطع صغيرة واعطيها في صحن صغير من البلاستيك وتاكل وحدها وبالطبع تكون قدامك او امام المربية حتى تراقبيها اذا حصل لها جزء ما وتنحيه واعطيها كل مرة فاكهة تتذوقها ماتخلطيهمش واعطيها بكميات صغيرة كلما انهت كمية زيدي لها.
بالنسبة للبراز ز عادي المهم لازم تشرب الماء كثيرا ومليح كراكي تنوعي لها بالنسبة la soupe ماشي كل يوم الان تقدر تاكل الاكل العادي اليومي لكل العائلة تاكل منه يعني الطعام اللوبيا الخضراء الى غير ذلك من الماكولات والخضر الموسمية لناكلها كل يوم يعني الطفل ابتداءا من سنة يبدا ياكل مع العائلة مع مرعاة الاكل الصحي وتفادي القليان والزيت