sablée بكريمة الزبدة ومعجون الفريز

[fatimazahra09]

هاذي وصفة محببة لي بزاف .....https://www.djelfa.info/vb/attachment...6&d=1401750941
https://www.djelfa.info/vb/attachment...7&d=1401750957
اول ما ظهر المول نتاع piston لي بهادا الشكل المربع ... شريتو ... وبقيت نخمم في الوصفة لنديرها ... بالطبع ما رايحش يجي حاجة اخرى من غير الصابلي ... ولكن كيفاش ...
اعتمدت وصفة الصبلي نتاع البستولي ....وكي بديت نحظر في المقادير لاحظت ان مقدار المايزينة مايكفينيش .... كملت الوصفة وطريقة التحضير وقلت في قلبي كيما جات كلات والنتيجة كانت مذهلة ....
والله شاهد على ما اقول
واستنتجت من بعد ان الصابلي نتاع البيستولي في عجينتو لازم يجي طري على هذا ....و الخلاصة صابلي رائع حقا ...... مارايحين توجدو الوصفة في حتى كتاب .... ما نطولش كتر من هاك نمدلكم المقادير والطريقة مع بعض :
ندير 250 غ زبدة طرية مع 100غ سكر قلاصي ونخدمهم مليح بيدي ولا بغيتي تضربيهم بالباتور ما كانش مشكل وتزيدي عليهم 2 صفار بيض و تخلطي مليح و تزيدي 1 م ص فاني نتاع الميزان .... و70 غ مايزينة + 1 خميرة كيمائية و الفرينة بالشوية حتى تتلم العجينة ... ملازمش جي يابسة و تاني ماش جارية .....ديريها في كيس .... وبداي تخدمي ...رشي شوية فرينة على طاولة العمل و حلي بالحلال 0.5 سم و زيدي رشي من فوق شوية اخرى .... وديري كاس فيه الفرينة ودخلي فيه المول بالمربع المشكل نتاعو و انفضيه و اطبعي العجينة وعاودي كل مرة ديريه في الفرينة قبل ما تطبعي و حاولي ما تبعديش بين الحبة واختها .... كي تكملي ارفديهم بسباتول و لا سكين عريض مقلوب من الجهة الاخرى وحطيهم في سينية مباشرة يطيبو في فرن مسخن من قبل على درجة 150 ....لازم يطيبو a blanc... خليهم يبردو
من بعد اقسمي على اثنين الكمية لي تحصلتي عليها .... قسم ادهنيه بكريمة الزبدة بذوق الفاني حوالي 1/2 مص و حطيهم بجهة باش تبداي تحطي في كل حبة من القسم الثاني شوية معجون الفراز ... ولا لي عندك وتلصقيهم 000 كي تكملي احكمي السيرو نتاع المعجون وفوتي باصباعك كامل الحواشي ... وتكوني درتي 1 علبة قوفريت من نوع LU بذوق الفراز في المجمد قبل ماتبداي القاطو نتاعك ... خرجيها واطحنيها في الروبو ....الكريمة لي فيه تكون جامدة و تسمحلك باش تطحنيه ...المهم مري الصابلي في القوفريط وحطيه في لي كيسات .... ولاكنتي موالفا ديري المعجون بالزيادة وخليه يفوت شوية على الحواشي déborde وفوتيه في القوفريت مارايحاش تفهموني كن نقوللكم على الذوق
ونمدلكم تاني فكرة اخرى ادا درتو مربى مشمش أو برتقال ... ديرو كريمة الزبدة بذوق الموكا أو النيسكافي ... والقوفريط ايض بذوق الشكولا
ونقوللكم تاني أنا كنت اعتمد وصفة اخرى لكريمة الزبدة ... وملي جربت كريمت الزبدة لي في الرابط هدا عجبتني و ما نبدلهاش شفتو شفتو كي راني ندير في الاشهار ...وفي ما يخص المعجون نتاع الفريز ترقبوه بالصور tres bientot ....سلامhttps://www.djelfa.info/vb/showthread.php?t=1123042
على فكرة لي حبت وصفة الصابلي نتاع البيستولي ادير 100 غ مايزينة وتكمل كيف كيف ...