دارتها أمينة التلمسانية .......

[fatimazahra09]

القريوش التلمساني [
الوصفة :/الصورة في الرابط أسفل
رابط الصورة للفوصفة الاصلية https://www.samira.info/topic.php?id=181
500 غ فرينة + 1 مك سكر+2 م ك جلجلان مطحون+ قرصة ملح +1/2 خميرة كيمائية +م ص فاني+75 غ زبدة طرية...ونحكو مليح بيدينا حتى ندخلو الزبدة
.نخضر قبل الخميرة لي تبات ( le levain) : نديرو م ص خميرة فورية مع قرصة ملح مع مقدار 4 م ك ماء ... نخلطو الكل ونغطيوها بالفيلم اليمونتار ونحطوها في الثلاجة ليلة كاملة .. الغد من ذاك نظيفوها على الخليط نتاع الفرينة ... ونحركو بيدينا ونزيدو بيضة تكون صغيرة +1 م ك خل + 1م ك ماء الزهر ... نخلطو كامل المقادير ونلمو العجينة بالماء بارد .لازم تكون حاكمة روحا ... ماشي جارية باش جيك القريوشة مليحة ومنفوخة ...خليه اتريح 10 د وبداي حلي بالحلال ورشي المايزينة ولا الفرينة لعندك ... ثم بالماشينة رقم 2 ثم 4... قطعي بالمول نتاع القريوشة ولا بالجرارة ... وشكليها وغطي السينية بطرشونة باش ما تنشفش من فوق ... وكملي اقلي ... هاذي الوصفة ما تصلحش لقريوشة الوردة ...عندي طريقتي انشاء الله نصورها ونحطهالكم ...انتضروني ...سلام
ملاحظة: لاكان درتي 1 كلغ فرينة ديري 1 بيضة تكون كبيرة ...باش تتفاداي الفقاعات في الزيت ..