![]() |
|
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
آخر المواضيع |
|
ورشة فستان الفرااااشة تحفة "منقول"
|
أدوات الموضوع | انواع عرض الموضوع |
![]() |
رقم المشاركة : 1 | ||||
|
![]() زيدوا شوفوا هذا و طبقوه و حطو تطبيقكم هنا راه ساهل ماهل ما كانش عذر اخدمولي و فرحوني
الموضوع منقول من احد المنتديااات المغربية نشكر صاحبته لانها تعبت و وضحتلي عدة امووور السلام عليكم انيقاتي الموضوع باين من عنوانو اليوم ساقدم لكن ورشة فراشة ومرة اخرى بطريقة عاشقة الخياطة السهلة والبسيطة وحصريا لمنتدانا الغالي منتديات اناقة مغربية اتمنى منكن قضاء وقت ممتع في ورشتي واتمنى منكن التطبيق لانها سهلة جداااااااااااااااااا على بركة الله ابدا هدا هو الباترون المستعمل ![]() تنقطعو فين راسمة المقص وتنخيطو فين ملونة باللون الاخضر ولكن فخط الايفازي مانوصلوش حتى للاخير داللبسة فالجلايل نخليو واحد مقدار د الفتحة تقريبا 15 سنتيم لتسهبل الحركة وبالنسبة لقياس الافازي تنحيدو 20 سنتيم د الدورة لي فالجلايل والباقي كلو ايفازي يعني تقريبا42 هدا هو التوب المستعمل وتمنه 80درهم طوله 2.50 وعرضه 1.50 ![]() هنا طوينا التوب على جوج تم على جوج يعني على اربعة4 على طولو وحضرناه لوضع العلامات مع العلم ان عرض التوب هو طول الفراشة وطول التوب هو عرض الفراشة وتنخدمو على الجهة المسدودة ![]() هنا حددنا العلامات ![]() نمر الى الدورة لي تتكون تحت الفراشة نحدد مربع عرضه20 سنتيم وطوله 20سنتيم ونعمل دورة هده هي طريقتي لتحديد هده الدورة لتكون مظبوطة اكثر ويمكن الاستغناء عليها بالنسبة للمبتدئات ونترك المربع كما هو كما فعلت في الفراشة الزرقاء التي ستاتي في الصور فلقد تركت فيها المربع كما هو هدا يرجع الى اختياركم ودوقكم ![]() نمر بعدها للكول في هده عملت كول vكبير شوية طوله 18 سنتيم لانني لن اترك فتحة في الاخير سوف اغلقه بالعقاد بدون ترك الفتحة المعتادة في البلدي ![]() بعد تقطيع الكول نشق التوب لتركيب السفيفة وطول الشقة او الفتحة التي سنركب فيها السفيفة والعقاد هو 24 سنتيم وهنا اطلب من معلمات البلدي100.100المسامحة فلم اطبق قواعدالبلدي بحدافيريها حيت غنركب العقاد بدون طرسان هده هي طريقتي البسيطة والسهلةهههههه بلدي نص نص هههههه خفيف ظريف ![]() بعدها ناخد علامات الخياطة بلاغوليط وبابي كربون وممكن تاتستغنتي عن هده المرحلة حتى الاخير ونعملوها وساريكن خدعة عاشقة لفعلها ![]() هكدا انتهيت من مرحلة الفصالة ونمر لمرحلة الخياطة هده هي مقادير الخياطة ههههههه ![]() هنا استعملت 1.50من سفيفة الصم فقط و20 عقدةو متر الطرسان هد الشي كلو شريتو عند مول لوازم الخياطة وكنخيطو السفسيفة بالسبيب من فوق ولون التوب من تحت ![]() اولا نخيط الكتف مع الكتف تم نمر لتركيب السفيفة ![]() ![]() باش نعملو داك المثلت انا تنبداه من تحت والصور توضح ![]() ![]() [URا ![]() URL ![]() وتنفينيه الفوق في نصف الكول في الوراء كيجيني هكدا شكلو اجمل وارتب ولكن كامل الحرية في طريقة التشطيب ![]() هكدا نكون ساليت تركيب السفيفة وامر لتركيب العقاد وقبلها اقوم بتنبيت العقاد بالحجرلزيادة الجمالية كما في الصور هاهي اداة تركيب الحجر في العقاد ] وهادو هوما الريوس ديالها على حساب حجم الحجرة هاهي قبل ![]() هاهي بعد اضافة الحجر ![]() ![]() هدا هو شكلها بعد تركيب العقاد زي الفللللللللللل وخا غي فوق التوب ماشي فوق الطرسان راه واقفة ومن بعد خياطة العقاد تندور عليهوم الطرسان في الاخير تم تنخيطو مع اللبسة باش تجمع ![]() بعدها قمت بتنظيف الجوانب بطويه مع الحرص على ان لا يتجاوز مقدار الطوية 1 سنتيم باش تسهال علينا في الدورة لي تحت ![]() والان هده هي الطريقة او خدعة عاشقة او الحل البديل هههه لمن لا تملك ادات اخد العلامات لاغوليت نسرحو الفراشة مزيان تم نعود لاخد علامات الخياطة بالطبشور على حساب قياسات صاحبة الفراشة ومن تم اللى الماكينة لخياطتها ![]() وبهدا نكون قد انتهينا وهدا هو الشكل النهائي ![]() ![]() ![]() وهدا شكل ولون اخر نفس الطريقة والاختلاف في طريقة التزيين ![]() ![]() هنا استعملت الدونتيل وعملت كشكشة وهده هي اشرطة الكشكشة قبل التركيب ![]() وعند خياطة الدونتيل استعملت دواسة السنسلة حيت عامر بالحجر باش يدوز الصباط بسهولة ودون تكسير الحجر لاحظو الصورة ![]() وهده ورود صنعتها ببقايا القماش وزينت بها ![]() وهدا لون اخر نفس الطريقة الاولى ![]() ![]() ![]() اتمنى ان تنال ورشتي اعجابكن ولاتنسونا من صالح دعائكم وساكون جد جد مسرورة ان رايت تطبيقاتكن ملحوظة الفراشة تنفصلوها على وجه التوب ونخيطوها على وجه التوب انا فقط عند اخد العلامات اخدتها على قفا التوب لاني احسست انها اوضح في الصور لترينها بوضوح السلام عليكم تلبية لطلب المبتدئات اعيد شرح الفراشة على الورق بسم الله ابدا فلنتخيل ان هدا هو التوب طوله 2.5 متر وعرضه 1.5 هاهو محلول ![]() هنا طويناه على 2 جوج ![]() وهنا عاودنا طويناه على 2 للمرة الثانية وبهكا غنكونو طويناه على 4 ![]() وفهاد الصورة السابقة غيبان ليكوم انه طول التوب ولا عرض الفراشة وعرض التوب ولا هو طول الفراشة هاد النقطة لي كنت كنحاول نشرح نتمنى تكون مفهومة ولما تطوي التوب عاى 4 تتكون عندي جهة مسدودة كلها وجهة فيها النصف مسدود والنصف محلول داك النصف المسدود كنشقوه بالمقص باش يتحل كيف ما فالصورة ![]() بعدها امر لوضع القياسات ديالنا على الجهة لي مسدودة كلها كيف الصورة ![]() وبالنسبة للكتف كنرسمو فالاوب يالطريقة العادية و من بعد كنمشي معاه بالمسطرة حتى لاخر عرض التوب هكدا ![]() فيصبح هكدا ![]() المكان لي رسمت فيه المقص هو لي كنقطعو ولي دوزت عليه اللون الوردي هو لي كنخيطو فالاخير ![]() المكان لي رسمت فيه الاسهم كيبقى وهو لي كيعطينا حجم الفراشة ![]() هنا بديت فالتقطيع ![]() هاهي بعد التقطيع ![]() هاهي قسمتها على 2 باش يبان ليكوم انها عطاتنا الامام مع الخلف متطابقين بحال بحال ![]() نمر الان لتحديد الكول ناخد نصف الامام فقط ونرسم كول vبحال لي درت فالموضيل لي فالورشة ![]() هاهو قطعتو ![]() الان نمر لتحديد الشق لي فوسط الكول لي غتمر منو السفيفة ونلصقو فيه العقاد بحال موضيل الورشة انا نزلت مقدار 24 سنتيم ممكن اكتر ممكن اقل لكن كامل الحرية في تحديد طول الشق ![]() هاهو كنشقو بالمقص ![]() هنت حاولت نحل الورقة باش يبان ليكوم ا الشق بوضوح اكثر ![]() وبهاد الخطوة نكون قد انتهينا من مرحلة الفصالة ونمر لمرحلة الخياطة هنا غنجمعو الكتف مع الكتف ![]() تم نركب السفيفة والعقاد ونرجعو ناخدو علامات الخياطة فالربع الاخر الى ماخديناهومش فالاول بلاغوليت نسرحوها ونحاولو نرجعو ناخدو نفس العلامات في الربع الاخر كما هو موضح في الورشة وهو الحل البديل لمن لا يملك لاغوليت اداة اخد العلامات ونشطي الجوانب بطوية ولما نخيط خط الايفازي الملون بالوردي نحرص على ان لا نصل الى نهايته حيث نترك مسافة مقدارها 15 سنتيم للفتحة لتسهيل الحركة وهي الملونة باللون الموف فتصير فراشتنا هكدا ![]() نتمى ان الشرح على الورق يكون واضح اكثر دمتن سالمات منقووووووول
|
||||
![]() |
الكلمات الدلالية (Tags) |
"منقول", الفرااااشة, تحفة, فستان, ورشة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc