المطلوع للغالية ladymillion
معليش نهال هاهي ليك وصفتي في المطلوع
نعطيلك مقادير قرصتين
ملاحظة : انا مرات نديروا بالسميد والفرينة ومرات غير بالسميد هاذ التاخيرة نديروا غير بالسميد
كيلي السمييد قيس قرصتين كيما موالفة
2 م ص ملح + م ص سكر + م ك حليب بودرة ( واذا متوفرشديري فنجان حليب سائل دافي)
بياض بيضة تزييييييد تخفف المطلوع
شووووووي سينوج ماتكثريش
2 م ص ونصف خميرة الخبز
م ك زيت
ماء دافي
حطي السميد والمكونات كامل مع بعض وبلي العجين بالماء الدافي ودبزي واعجني واسقي ديريه متخوم شوي وحطيه فيكيس هاذ الطريقة هزيتها على الاخت الوهرانية الله يجازيها بالخير ،،، واغلقي الكيس وغطيهوخليه يتخمر عادي
كي تعجنيييييه مع الاول ماديريلوش الماء اعجنيه ساع ملييييح حتى يرحع يترتق خاصة كي يكون السميد ممتاز كي يتعجن اسقيه بالماء ودبزي واعجني واخبطيه كيما نديرو خبز الدار يعني بلي يديك بالماء واخبطيييييه راه يدير فقاعات ولازم يكون متخوم شوي كل ماكان مشبع ماء ومعجون يجيك خفيف
ودوركا ديري شوي مارغارين في يديم غير امسحيها برك في يديك واحكمي قيس قرصة ربيها بيديك والمارغارين وحطيها فوق منشفة مرشوشة بالفرينة على خاطر يلصقشوي وخليها ترتاح 3د ومن بعدقرصيهاعادي وخليها تتخمر ومن بعد طيبيها في الطاجين
وكذلك ندير المطلوع بطريقة اخرى هو نفس المكونات ولكن مانديرش بياض البيض،،، لما يتخمر ونجي نعجنو نديرلو بيضة كاملة مثلا لــ 3 قرصات ندير بيضة ونعجن ونسقي بالماء
هاذي هي طريقتي نتمنى تعجبك وراهو سهل الكتابة برك لي بزاف هههههههه
( تقرير عن مشاركة سيئة )، و الموجودة أسفل كل مشاركة .
2014-04-20, 22:46
وصفات من حراير مطبخ وش طيبتي اليوم
العرض الشجري