تشهيت البتزا،و غير دخلت للدار درتها،ذوقوقوها و اعطوني رايكم

[موجو جوجو]

السلام عليكم
واش راكم يا الزينات

تشهيت اليوم البيتزا
غير خرجت من الخدمة درت قرصة و بردت قلبي بيها
شوفو

زينتها بالمايونيز
و الطريقة هي
بالنسبة للعجين
فرينة حوالي رطل ولا مايفوتش، ملح،2 مغارف كبار سكر، نص مغرف خميرة تاع الخبز،نص كاس لحظة، ربع كاس زيت و تشمخي بالماء
لاصوص تومات،درت تلات حبات بصل، تلات حبات طوماطيش،3 سنات توم ، 2 ورقات رند ، زعيترة، شوية زيت زيتون قيسما تحمسي البصل ،ملح ، فلفل اكحل
تنقي البصل و الطوماطيش تنحيلها القشرة و تقطعيهم
تحمسي البصل و من بعد تزيدي الطوماطيش و باقي المكونات
كي تتاكدي بلي البصل خلاص ذبااااال و طاب نحي الرند و الزعيتر و ارحي كلش بالبرا
مادرتلهاش طوماطيش تاع الباطة
بصح انت تقدري اديريلها تزيد تقلها و تعطيلها لون وطعم
انا ماحبيتش نديرها
قطعت الطرشي و الزيتون
حليت العجينة
درتلها الصوص تومات،زدتلها الزيتون و الطرشي
دخلتها للفور حتى اطيب
خرجيها و رابيلها فرماج،انا درت الشيدار
هدا المتوفر عندي فالدار
عاودي دخليها للفور قيسما يدوب شوي
و كوليها بالصحة و الهناء

تقدري تزينيها بالطون تاع الزيت
ولا بالمقاز ولا اللحم المرحي قبل مادخليها للفور


واش رايكم فيها