les pattes de chat خطى القط من مطبخ ساريتا

[رثاآء]

السلام عليكم الحبيبات كيراكم دايرين؟ ان شالله تكونو بخيير
اليوم كنت ça va pas شوية مرضت بصح الحمدلله كل شي فايت جا في خاطري les pattes de chat ساهلين وبلخف يطيبو وما فيهمش قلاصاج اللي يدي الوقت

انا مجربتهم شحال من مرة وفي كل خطرة يخرجو هبااال الحمدلله يذوبو في الفم
بدون اطالة نشارككم الوصفة



120غ زبدة
100سكر
1بيض
10سل (100ملل) زيت
350غ دقيق
10غ خميرة كيميائية (كيس)
عطر الفانيليا

اضيفي السكر والفانيليا للزبدة واخلطي الكل حتى تتحصلي على مزيج كريمي ثم اضيفي البيض والزيت واخلطي لمدة قصيرة ثم اضيفي الدقيق والخميرة الكيميائية
ملاحظة:
العجينة اذا جاتك خفيفة ما تزيديلهاش الفرينة sinon تولي تقيلة لابغا تلصقلك في اليد كي تكوريها معليش السر راه انو ما نكتروش الفرينة بزاف باه تجي طرية وهشة التزمي بالمقادير الموجودة!!!
دعي العجينة ترتاح في الثلاجة لمدة 30 دقيقة ثم شكليها لكرات صغيرة ,بواسطة شوكة قومي بتزيينها حتى تتمكني من الحصول على الشكل المبين في الصورة

اطهيها في فرن محمى من قبل على درجة حرارة تتراوح بين 180الى 200 درجة مئوية لمدة 15 د تقريبا
دعيها تبرد وزينيها بالشوكولا وقدميها بالهناء والشفاء