تارت هاااااايلة تهبل بمقادير بسيطة تنفع في المناسبات

[الصوامعية]

السلام عليكم جميعا

توحشتكم بزااااااف وتوحشت نحط مواضيع في قسم الحلويات بعد غياب عن المنتدى بسبب تحميل الصور
كيما عودتكم دايما نجيبلكم غير الحاجة الساهلة والبسيطة والغير المكلفة وتحمر الوجه قدام العائلة والضياف هذي التارت كيما نسميها أنا في الحقيقة هي عبارة عن مسكوتشو إقتصادية بالماء سمعتها من عند السيدة صليحة في إذاعة عين الدفلى عندها مدة طويلة حوالي 3 سنوات نديرها بزاف وتنفع في أعياد الميلاد واحتفالات أخرى منطولش عليكم نخليكم مع التارت


المقادير:

- 4 حبات بيض.
- كاس سكر.
- كاس زيت.
- كاس ماء دافئ.
- 4 كيسان فرينة.
- 3 خمارة.
- فاني و مبشور الليمون.

طريقة التحظير:

في صحن نحط البيض + السكر + الفاني و مبشور الليمون نخلط مليح بالباتور ونضيف الزيت بالشوي ونخلط ثم الفرينة مع الخمارة كي نكملو الفرينة نلاحظو العجينة ثقالت حاجة عادية ثم نضيفلها كاس ماء دافئ ونخلط بالفوي مليح حتى تنطلق وتولي جارية ندهنو مول بالزيت والفرينة أو نديرو ورق الزبدة نفرغو الخليط وندخلوه للفرن حتى تطيب من فوق ومن تحت نخلوها تبرد ثم زوقوها كيما تحبو أنا شبحتها بكريمة الشانتي و الكيوي والتوت نخليكم مع الصور باش تفهمو مليح.

ملاحظة :السنيوة لي درت فيها 35/32

[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]