هدا المايوناز يصلح للاخوات لي عندهم دراري صغار وميقدروش يمدولهم مايوناز بالبيض وكاين بزاف ناس ميحبوش البيض لي ميطيبش الوصفة داروها في قناة سميرة وانا زدت بحث فالنات وشفت المغاربة ايديروها بكترة واليكم الوصفة
المقادير:
انا استعملت 02 حبات جبن المثلث
فنجان حليب سائل لي متوفر فالدار
لازم تستعملي البرا الميكسور لان الباتور ميصلحش
خلطيهم مليح وبداي زيدي فالزيت بالعقل كما نديرو المايوناز العادي كما الشعرة حتى يتقال زيديلو الملح
في قناة سميرة دارتلو الملح برك قالت لان الخل ايفسدو ايريب الحليب لكن انا شفت فالمنتديات المغربية اديرو الموطارد درت كمية صغير موطارد قيس مغرف صغيرة وجاني هايل ومفسدليش
اسفة لعدم توفر الصور والله رائع جربوه ومراحش تندمو
( تقرير عن مشاركة سيئة )، و الموجودة أسفل كل مشاركة .
2014-02-18, 11:02
مايوناز بدون بيض
العرض الشجري