يوجد هنا .................. تطبيق

[إلهام07]

البسملة1


حبيباتي هذي تطبيقاتي كنت متكاسلة نحطهم ولعيون ام ماجد طلبتهم
حبيباتي اللي عندها اي استفسار انا في الخدمة
ام ماجد هاكي تنقلي وبالمناسبة نحكيلك نكتة حقيقية صرات مع ماما كيما كانت معلمة قبل لا تتقاعد :
ماما كانت تحرس في امتحان لقات واحد يحوس ينقل على صاحبو كي جا ينقل عليه لقى صاحبو أصلا قاعد ينقل عليه


إييييييه حقة ماتقولوليش الروابط غدا إن شاء الله نحطهملكم
1- العجين المورق للاخت باتيلا
هنا كنت مازال ماتعلمتش أسرار العجين المورق جاوني معجنين من داخل


الرابط : https://www.djelfa.info/vb/showthread.php?t=1364661

2- قوارب البطاطا للأخت نينافرات
ماعجبونيش بزاف بصح شفت الجميع عجبوهم

الرابط : https://www.djelfa.info/vb/showthread.php?t=1297932

3- لوبياء خضراء في الفرن للأخت باتيلا
كلاولي الجاج والبطاطا وخلاو اللوبياء مازلت أصارع باش نلقى وصفة نتاع لوبياء خضراء اللي تعجبهم

الرابط : https://www.djelfa.info/vb/showthread.php?t=1359257

4- مطلوع الكوشة لام إبراهيم
النصائح:
* مباشرة بعد مايخرج من الفرن ندهنو بالحليب ونزيد ندهن بشوية زبدة ونغطيه مليح ونخليه يطرى
* الطياب نتاعو : نشعل الفرن يسخن من تحت ونحط الصينية تسخن معاه ( في الرف السفلي ) ومن بعد كي يطلع المطلوع ويسخن الفرن مليح نطفي من تحت ونشعل من فوق و نلوح القرصة طيب


الرابط : https://www.djelfa.info/vb/showthread...hlight=ibrahim

5- كيكة الميرانق والكاكاو لام سامي

الرابط : https://www.djelfa.info/vb/showthread...DF%C7%DF%C7%E6

6- المطلوع على طريقة ام ساجد :
جا خفيف وانتفخ بزاف بشكل غير عادي ومثقب بصح جاني يابس من برا مافهمتش علاه
الطريقة تقول باللي نسخن الطاجين في الفرن مليح ومنطيب المطلوع عادي

الرابط : https://www.djelfa.info/vb/showthread.php?t=1373710

7- فلان الطبقات لحبيبتي ام ماجد
بنين ويفكرني بالطفولة كيما كانت خالتي ديرهولي كي نروح لدار جدي في رمضان

الرابط : https://www.djelfa.info/vb/showthread.php?t=1216072

8- حلوة التاج لام ريمة
يهبل يهبل يهبل فقط التزموا بالمقادير وماتزيدولوش الفرينة أكثر مما هو في الوصفة وكثروا زاست الليمون

الرابط : https://www.djelfa.info/vb/showthread.php?t=1314758

9- صابلي اللوز نتاع ام كوثر
غلطت في المقادير درت ربع الكمية زبدة وضعف الكمية سكر وضعف الكمية بيض ..... المهم ساح وناح وخلات عليه أسمحيلي أم كوثر مانزيدش نعاود

الرابط: https://www.djelfa.info/vb/showthread.php?t=1384114

10- صابلي الميرانق نتاع ليدي يهبل يهبل يهبل نموت عليه وعجبني


الرابط : https://www.djelfa.info/vb/showthread...ht=ladymillion

11- غرايف ام ماجد :
حبيت نتعلم الغرايف قلت ما تفكني غير " مدام بغريرة " كيفاش أم ماجد كاملة كاينة وأنا نروح نتعلم عند وحدة أخرى
خرجو تححححفة ومافيهم حتى تعب في دقيقة خلصت والنتيجة ولا أروع ودرتهم رقاق مانحبهمش معجنين بصح نسيت الزبيب كي العادة
أتمنى نكون شرفتك مدام بغريرة


الرابط : https://www.djelfa.info/vb/showthread...D+%E3%C7%CC%CF

12- بقلاوة ام أنس
موررررقة تهبل ننصحكم جربوها آسفة على رداءة الصور درتها على 12.00 نتاع الليل


الرابط: https://www.djelfa.info/vb/showthread...D+%E3%C7%CC%CF

13- البوراك التركي نتاع فلة : هبلو عليه كامل وماما كل مرة تقولي عاوديه وانا نسيها فيه

الرابط: https://www.djelfa.info/vb/showthread.php?t=1375436

14- الفلفل المحشي مغلف بالعجين نتاع باتيلا
هايل هايل في دارنا يسميوه "المومياء" خفيف وبنين هي الوصفة بالعجين المورق بصح انا لضيق الوقت درتو بعجين السوفلي جا يهبل وخفيف جاونا الضياف منعت غير هذيك الحبة ههههههههههههه

الرابط: https://www.djelfa.info/vb/showthread.php?t=1100596

15- faux حميس نتاع مقدسية
هايل وفكرة جديدة لانو عائلتي ماتحبش الباذنجان حميس بصح هذا عجبهم وكلاوه مايبانش فيه بزاف الباذنجان

الرابط: https://www.djelfa.info/vb/showthread.php?t=1403864

16- فريكاسي أم راضية يهبل طبعا وخفيف وعجبهم بزاف وديما يقولولي عاوديه

الرابط: https://www.djelfa.info/vb/showthread.php?t=1216850

17- طريقة طياب اللحم الصابح للأخت باتيلا
الرابط : https://www.djelfa.info/vb/showthread.php?t=1163781

18- طريقتي في طياب الأرز لام ساجد
جمعت التطبيقين في طبق واحد وعجبوني في زوج بنان يهبلو ودرتهم وعاودهم عدة مرات وساهلين وبنان

الرابط: https://www.djelfa.info/vb/showthread.php?t=1414168

19- سوفلي بالدجاج لنينافرات
واش نقولكم كلاوه الضياف هبلو عليه وقالو عمرنا لا ذقنا كيفو أنا جاني عادي

الرابط: https://www.djelfa.info/vb/showthread.php?t=1235575

20- فريكاسي ام أنس
طبعا يهبل وخفيف و مايشربش الزيت وإذا حبيتوه فارغ رققو العجينة شوية

الرابط: https://www.djelfa.info/vb/showthread.php?t=1275256

21- كيكة اقتصادية لنوكيا
هايلة وخفيييفة تهبل

الرابط: https://www.djelfa.info/vb/showthread.php?t=621952

22- لياجوا الفانيليا والكاراميل لأم انس
روووووعة والبنة تهبل اكيد لازم جربوها

الرابط: https://www.djelfa.info/vb/showthread.php?t=1420649

23- طاجين القناوية لام كوثر هايلة هايلة كليت منها حتان دخت

الرابط: https://www.djelfa.info/vb/showthread.php?t=672175

24- كيكة التوفي لام اماني
فعلا مبدعة يا ام أماني ، الكيكة مقاديرها مضبوطة وحبيت نقوللكم أنو استعملت كرام فراش الثقيلة اللي جي في علب مدورة واعطاتني نفس نتيجة الكريمة السائلة

الرابط: https://www.djelfa.info/vb/showthread.php?t=1371393

25- تحلية لياجوا شكلاطة لام أنس
طبعا جربتوها كامل راهي تحححححفة وينة عظيمة

الرابط: https://www.djelfa.info/vb/showthread.php?t=1418804

26- قاطو russe لام كوثر
هايل هايل هايل رووووعة يا جماعة مايتشبعش هايل هايل وكريمة السميد مممممممم بنة روووعة
هازة " الميطرة " ونكيل فيه تقولني خياط درت الطبقات قد قد


الرابط:
https://www.gulfup.com/?sMa84n

27- سموذي الموز والليمون لأخت ilbeldelmondo
اسمك طويل طومة تعبني مانزيدش نطبقلك
طبعا لذيذ طمطومة كيما انتيا

الرابط: https://www.djelfa.info/vb/showthread.php?t=1489211

28- كيكة التمر للاخت سعيدة
تهبل تهيل ومايبانش خلاص فيها طعم التمر يبان كأنه كاكاو وخفييييفة تهبل واعجبت ضيافنا وحمرتلي وجهي


الرابط: https://www.djelfa.info/vb/showthread...C7%E1%CA%E3%D1

29- خبيزات الشفلور للاخت السعيدة بربها سارة
تفتتولي وهلوني في القليان مافهمتش علاه بصح عجبتني فكرة الكمون في الشفلور هنا قدمتو مع لحم مطبوخفي صلصة طماطم .

الرابط: https://www.djelfa.info/vb/showthread.php?t=1431159

30- رولي أم رامي
شريت بلاطو جديد وثقيل فسدلي القاطوات كامل اللي تدخل فيه للفرن تبقى ساعة وتخرج عجينة
هذا الرولي كيما راهو عجين ماحبش يطيب رميتو

الرابط: https://www.djelfa.info/vb/showthread.php?t=890357

31- غريبية أم كوثر تهبل تهبل تهبل

الرابط: https://www.djelfa.info/vb/showthread...9+%DF%E6%CB%D1

32- صابلي أم إسلام وآية يهبل واعتمدت الوصفة احلى حاجة أنو مافيهش نشاء فقط 2 م ك

الرابط: https://www.djelfa.info/vb/showthread...D+%D1%E5%ED%C8

33- مادلان الفراشة لام أماني
يهبل وخفيييييييف أنا درتو عادي فقط صبيحة العيد باش نبعثو لجدي ماعندوش السنين بصح ماكتبش ربي


الرابط: https://www.djelfa.info/vb/showthread...DD%D1%C7%D4%C9

34- بطاطا كوكوط نتاع ام رامي

الرابط: https://www.djelfa.info/vb/showthread...DF%E6%DF%E6%CA

35- جريوات محشية لأم رامي

الرابط: https://www.djelfa.info/vb/showthread.php?t=995100

36- قاطو بساط الريح لام أماني
بنين يقققتل بصح الصابلي جاني يتفتت أعتقد السبب انو العجين لازم تكون طرية بزاف باش ماتتفتتش بصح البنة يهبل يهبل

الرابط: https://www.djelfa.info/vb/showthread...C7%E1%D1%ED%CD

37- بتي فور أنامل
يهبل انا عجبني بالبزااااااااااااااااااااف

الرابط: https://www.djelfa.info/vb/showthread...C7%E1%D1%ED%CD

38- حساء البطاطا والجبن لام راضية
يهبل ماحبيتوش جربوه طفرت فيكم والله تحفة أنا نكثر فيه الجبن وندير مكعب مرق دجاج

الرابط: https://www.djelfa.info/vb/showthread...C8%D8%C7%D8%C7

39- مطلوع الكوشة نتاع فريال
ولا احلى ولا أروع منو
النصائح : باش تتخلصو من ريحة الخميرة نزيدلو في العجين حبة حلاوة مرحية وسينوج وجلجلان


وهذا طيبتو في الطاجين

الرابط: https://www.djelfa.info/vb/showthread...E1%DF%E6%D4%C9

40- شاورما اكسبرس لنينافرات
تهبل تققتل وزيد فوق البنة شاهلة وسريعة

الرابط: https://www.djelfa.info/vb/showthread...C7%E4%ED%E4%ED

41- حساء الكابويا لام راضية :
يهبل وماتتبانش فيه خلاص طعم الكابويا انا كثرت فيه الجبن وزدت مكعب مرق دجاج

الرابط: https://www.djelfa.info/vb/showthread.php?t=1457757

42- صابلي الزيت
زاكي واقتصادي ولذيذ بصح أكيد صابلي الزبدة أحسن

الرابط: https://www.djelfa.info/vb/showthread...E3%D0%C7%DE%C7

43- عصير الجزر للصوامعية
يهبل وحااامض وزاكي

الرابط: www.djelfa.info/vb/showthread.php?t=772180&highlight=%DA%D5%ED%D1+%C7 %E1%CC%D2%D1

44- طريقة حفظ الدبشة والمعدنوس للاخت SCORPIONOIR
هايلة هناتني من التعب

الرابط: https://www.djelfa.info/vb/showthread.php?t=1433441


45- بيتزا الطاجين لام محمد تاج رووووعة تهبل تهبل فقط رققو العجين

الرابط: https://www.djelfa.info/vb/showthread.php?t=1459841


46- شاورما نينافرات الوصفة الثانية أنا ماشويتهاش في الفرن شويتها في أسياخ الشواء


الرابط: https://www.djelfa.info/vb/showthread.php?t=1321426

47- عصير الرمان لانا امهم
يهبل يهبل يهبل رجعلي إذمان فقط ندير قطعة صغيرة بيطراف ونكثر الليمون

الرابط : https://www.djelfa.info/vb/showthread...E1%D1%E3%C7%E4

48- تارت جينواز بالحامض لاميرة الساحل
من أروع الكيكات تهبل خفيفة وبنينة ماكانش اللي ماعجباتوش روووعة وجات عالية فقط خليوها تبات ترجع أبن وأبن


الرابط: https://www.djelfa.info/vb/showthread.php?t=1152353


49- رولي 4*4 لينا11
ماحبش يطيب وبقالي نيء وما حبش يطلع خلاص كيما راكو تشوفو واقيلا غلطت انو ما خفقتش البيض مع السكر بالباتور درت فقط باليد كيما لينا11 او أنا مافهمتش الوصفة



طبعا كان مصيرة الزبالة

الرابط : https://www.djelfa.info/vb/showthread.php?t=937170

50- كرام شانتيي صنع منزلي أعتقد للاخت أمازيغية وأفتخر لا اذكر
هايلة وخفيفة وزاكية هذي فقط نصف الكمية اللي في الصورة


درت بيها لي كاستال الوصفة نتاعي


رابط الكريمة : https://www.djelfa.info/vb/showthread.php?t=1445864
رابط الكاستال : https://www.djelfa.info/vb/showthread...C7%D3%CA%C7%E1


51- شكشوكة الباذنجان نتاع ام إبراهيم تهبل تهبل وساهلة ماهلة تهنيت من قليان الباذنجان


رابط تحميل الوصفة : https://www.gulfup.com/?azmSry


52- حساء العدس الاحمر لام راضية
حبيبتي ألف شكر على الوصفة لكن مازلت نحوس على حساء عدس مايبانش فيه طعم العدس لكن أكيد عجب أختي اللي تحب العدس


الرابط : https://www.djelfa.info/vb/showthread.php?t=1464235

53- كيش باللحم المفروم لفلة
ماكليتوش كنت ريجيم لكن وصفة كريمة الجبن عجبتني وأعتمدتها
انا مانحبش العجين البريزي في المالح لذا عملتها بعجين الشوصون


الرابط : https://www.djelfa.info/vb/showthread.php?t=1374329

54- حساء البطاطا والجبن لام راضية
طعمو رهيييييب أنا كثرت فيه الجبن مممممم جا يقققققتل ( جبن أبيض وكامومبير )


الرابط : https://www.djelfa.info/vb/showthread.php?t=1469152


55- أفخاذ الدجاج امحشية لام رامي
تهبل تهبل تهبل انا درتهم في الفرن مع بطاطا بخلطة العسل الوصفة نتاعي


الرابط :

56- أصابع البطاطا لأم أماني
57- تغميسة أم محمد تاج
قدمتهم مع بعض ولكن ماذقتش التغميسة لحسو الطبق الضياف


58- بسبوسة المقلاة للصوامعية رووووعة وساهلة والضياف ماتو عليها وخفييفة وكثرت فيها زاست الليمون ممممممم
هذي نصف المقادير درتها في مقلاة صغيرة


59- مربعات حلوة الترك لنا11
يهبلو يهبلو ممممممم بنة وحدها كاوكاو مع حملوة الترك يم يم يم انا عجبوني


60- بربوشة بالحليب لام ماجد
انا ماعنديش الفول درتها بالكابويا سخف عليها بابا كلاو منا حتان شبعو قمتهالهم مع البصل يموتو عليه


61- بيتزا الطاجين لأم القادة
هذ طيب في طاجين البغرير نتاع الطين ملي عجبتني بيتزا الطاجين نتاع ام محمد تاج ربي يهنيها وليت منين نلقى وصفة جديدة لبيتزا الطاجين نجربها


62- المطلوع المحشي لام رامي
طبعا بنين يهبل ونقص عليا غسيل الماعن


63- لاموناضة عبير
تهبل عجبتني بزاف وكي عاد فيها 2 ياوورت ماتديش سكر بزاف كيما الوصفات الأخرى حطيتها للضياف شربوها كامل وععععع ماخلاوليش




64- أرز بكريات الدجاج لام رامي


65- معكرونة صوص بولونيز قراتيني لمقدسية
طعم خياااااااال خاصة انو كثرت فيها اللحم المفروم و الأجبان ممممم


66- مورقات بالنشاء لام راضية
جاو خفاااف وماشي مدسمين بصح لازم العجين يترقق بزاف ياش مايجيوش معجنين وماتلفوش بزاف


67- الغريبية النمرية للاخت scorpionoir



68- بغرير الأخت أدراري
رووووعة في الخفة وفي دقيقة ويجي مثقب يهبل بصح كمية الماء بانتلي بزاف نقصت


69- بوراك بالدجاج والبيشاميل لزمردة
هايل هايل وأكييييد عجب الضياف نتاعنا وكل العائلة


70- جاري أبيض للأخت ladymillion
اكيد يهبل ويحمر الوجه وضيافنا من كثرة ماعجبهم داو الوصفة معاهم


71- لازانيا بريق الامل
انا العجين نتاع اللازانيا مانغليهاش نستعملها مباشرة وطبعا كثرت فيها أجبان منوعة ولحم مفروم والطعم وااااااااو


72- قوارب الباذنجان لإبداع جزائرية
روووووووعة ضيافنا جاو زة مدايرين الريجيم هههههههه مسحو الصحون


73- تشيز كيك بالشكلاطة لأم أماني

يهبل أعجب كل الأسرة والضياف ولكن راهو ثقيل يعني قطعة صغيرة تشبع


74- بيتزا الطاجين السيدة كرمين
بصراحة هايلة وعجبتني فكرة إضافة الزعتر مرحي للعجين يقضي تماما على ريحة الخميرة في العجين


75- دجاجة ديزوسي لم رامي
مرمدت الجاجة مسكينة وقريب طلبولها الإسعاف بصح سلامات درتلها تنفس صناعي وعاشت
درتها في الفرن مع بطاطا بخلطة العسل الوصفة نتاعي



76- مقرقشات الكورني لينا11
جاوني يابسين حجرة مافهمتش علاه بصح الشكل عجبني


77- كرمب محشي في الفرن لام رامي


78- كيك المحلات ليارامسن
أنا درتو ميني كيك ودرت فيه زاست برتقال وسقيتو بعصير برتقال ودهنتو بلاجولي جا خفيف بزاف والبنة


79 - عصير بالفلان والقارص لنوكيا
يهبل عجبني بزاف فقط في مكان بياض البيض ماكانش عندي عوضتو بملعقة شانتيي وخفقتو مليح في الميكسور جا طعمو ميلك شايك

الرابط: https://www.djelfa.info/vb/showthread.php?t=821443

80 - كراب ليدي عميتهم بصوص شكلاطة يم يم يم يم جاو تححححفة


81- اسكالوب محشي لام رامي
عملتو مع بطاطا بخلطة العسل الوصفة نتاعي رووووعة درتو في الفرن


82- االيموناضة التونسية لانا امهم
جاتني مرة شوية وداتلي بزاف سكر لذا ننصحكم تقشرو الليمون أحسن


83- مايونيز ام راضية ماصلحتليش في الميكسور وليت درتهابالبيتران


84- تارت موكا
تهبل فقط نصيحتي : زيدو كمية الشكلاطة في الكريمة ونقصو كمية الزبدة انا درت صفار بيضة واحدة فقط وكاس حليب
ايضا يكفي كاس واحد شاربات تسقيو بيه التارت 2 كيسان بزاف


85- ديول البانسو لام إثري
هايلين وعجبتني فكرة الطياب على البخار تخلي الديول ما يجيوش يابسين وأيضا فكرة بياض البيض تخلي العجينة تبقى طرية
انا دهنت الديول بشوية زيت باش مايلصقوش في بعض وماييبسوش


86- رولي أم أماني جان شوية خشينلانو البلاطو صغير المرة الجاية نقص بيضة ولكن الوصفة هايلة


87- مقلوبة الخضار لإبداع جزائرية
هايلة هايلة لازم جربوها فقط انا الاسكالوب قليتو مع البصل والثوم وعملت صوص بيشاميل عادية بالأجبان ماعلملتش مرق وكثرت أجبان بين الطبقات ممممم خاصة الكامومبير والقرييار يعطيوها طعم يهبل


88- أسهل طريقة لتقشير الرمان لأم إثري
في الأول مافهمتش مليح الشرح رحت لليوتيوب وتفرجت باش فهمت ، بصراحة نحات عليا التعب وليت كي نتشهى عصير الرمان ما نتكاسلش عليه في 15 دقيقة شوفو واش قشرت


89- رولي الشكلاطة للاخت سلطانة
هو الحق بنين بصح فيه كمية شكلاطة رعيبة تخليه ثقيل


90- قراتان الشفلور بالكرام فراش لحبيبتي ام محمد تاج
صراحة مأروع الوصفات ولات عائلتي تحب الشفلور وتطلبو دائما انا نكثر فيه جبن قرييار وكامومبار اللي مازالت ماجرباتوش غير تجري جربو رااائع



91- كراب أم كوثر تنفخولي بصح ماشي 100/100 كيما ام كوثر تقلت بصح أكيد ناجحين

أنا درتهم مالحين


92- صابلي البرتقال لفايزة44
انا عملتو بالليمون جا حامض يهبل يهبل فقط اللي مايحبش بزاف الكريمة يدهن فقط مايكثرش منها يعني يعمل طبقة رقيقة


93- شخشوخة الفطير لام رامي
هذي أول مرة نديرها وحدي من الألف إلى الياء درتها في المولد وفرحت بيها بزاف


94- قاطو كحلوشي لرمضانة
بنين وخفيف بصح نتاع كل يوم لفطور هايل وعجبتني فكرة خلط المعجون مع الشكلاطة ممممم


95- بطاطا في أكياس الشواء للاخت مقدسية
مليحة فقط انا ننصحكم ماتزيدوش فوق م لعقة واحدة عصير ليمون وأيضازدت فيها ملعقة من العسل
هنا قدمتها ماسالوب بالفطر والكرام فراش


96- باتيسري أم رامي
يهبل يهبل وخفييييف انا عملتو بالفلان كاراميل وزدت معاه نكهة البرالين ممم


97- قلب اللوز باللبن للاخت ليليا
هايل وسريع والبنة روووعة خير من اللي يتباع فقط انا ضفت ليه شوية خميرة كيميائية باش يجي هشوش والله بنة روووعة



98- تحلية بالشكلاطة لأم رامي


99- الحلوى الرخامية لأم أماني
خفيفة ساهلة وسريعة وبنينة نتاع كل يوم وزاكية انا عملت نصف الكمية فقط ودارتلي بزاف عائلتي صغيرة



100- كرام كاراميل بدون فرن لام أماني
انا طيبتها في الفرن بنينة تهبل طبعا


101- قاطو بالمعجون وحلوة الترك لام إسلام وآية
لذيذ يهبل يهبل خاصة لمحبي حلوة الترك واقتصادي وزاكي وساهل وسريع ويحمر الوجه
حذاااري خليو العجينة طرية ماتنشفوهاش بزاف باش ماجيش تتفتت




102 مقروظ وقلب اللوز لفلة
هايل طعم لا يقاوم وبنة خطيرة يعني طعمو مابين قلب اللوز والمقروظ وأكيد اللوز زاو بنة على بنة
فقط تنبيه راهي الكمية تعطيكم سنيوة صغيرة


103- بتي فور ام الهضاب
هو بنين وخفيف لكن خصو تنقصو كمية النشاء فقط باش مايجيش فيه طعم النشاء


104- أظرفة الدجاج لإبداع جزائرية
طبق هايل طبعا انا فقط عملت صوص بلاكرام فراش


105- تيراميسو ليدي
طعم هايل فقط ناكد لازم تبات قبل التقديم باش جي بنينة وحذاري خليو الكرام شانتيي ثقيلة لانو الياوورت جاري وفيه الماء يرجع الخليط جاري








106- كيكة الكسكاس للاخت It's me
ساهلة وسريعة وخفيفة فقط خصها تنقصو شوية كاكاو وتزيدو شوية سكر فيها
انا سقيتها بشوية قهوة باش ماجيش ناشفة



107- الفلافل السورية لأم إسلام وآية
انا زدت في الخليط ملعقة فرينة باش يحكم روحو ونصيحة سخنو الزيت مليح باش تبداو تقليو باش مايلصقوش الفلافل


108- وردات السميد لانا امهم
طعمهم هايل احسن من الرفيس نتاعنا طعم الشكلاطة والكاكاو والنواد كوكو والحليب المحمص روعة ولكن فقط انا شربتهم بشوية شاربات باش مايجيوش ناشفين حذاري يطيبو بسرررررررعة غير تنشف من الحواف نحيوها من الفرن وساهلة وسريعة
في هذي الوصفة الناس أذواق كاين اللي هبل عليها وكاين اللي ماعجباتوش لانها حاجة جديدة علينا





آآآآآآآآآآه يا خراشي تعبت .........تسمحولي والله ماقدرت نكمل خليوني نريح شوية والمرة الجاية نكمل اللي بقاو في موضوع آخر


تحياتي ........لهومة