بسكويت الكسكاس في 15 د جديييييييييييييد

it's me · 2014-01-26, 10:09

السلاااام عليكن و رحمة الله
وشراكم الغزالات
البارح جربت كيك من منتدى عربي و خرجلي مممم ولا بالاحلام و الغريب انو يطيب في كسكاس اييييه في الكسكاس اللي نفورو فيه الطعام
ماصورتش المراحل لاني ماكنتش متاكدة رح يصلح 100/100 هههه

هاد الصور منقولة للتوضيح

المقادير
بيضة واحدة
فنجان سكر +مغرفة كبيرة اي فنجان و نصف على خاطر لاحظت الاخوات اللي جربوه قالو جانا شوي مر واللي متحبوش حلو تحط فنجان برك
فنجان حليب سائل
2 فنجان فرينة
2مغارف كبار كاكاو
4 مغارف زيت
1 خميرة
فاني

خلطي كلشي مع بعض بالفوي او بالباتور و حطيهم في قوالب مدهونة بالزيت و حطي في الكسكاس غطيهم بمنديل ثم حطي غطاء الكسكاس و احسبي 15 د بالضبط و افتحي
ممكن تحطو في اي نوع من الاقوالب عندكم في البيت

قوالب سيليكون

او كيسان زجاج العاديين

او ممكن حتى لي ماعندوش قوالب يديرهم في كيسان جوتابل

و ممكن اللي ماتوفرش عندا الكاكاو تخليها بيضاء

و نغطيوها بمنديل مطبخ ثم نحطو الغطاء

و النتيجة
اوووبا كسكاس كايك ههههه

نتمنى تجربوه اقتصادي و سريييييييييييييع