شوفولي حل

[soufiane foughouli]

السلام عليكم راح نخبركم بلي راني فسدتها مع أستاذ
راني في فرض الفرنسية سحتوني في هذاك الحصة وممديتش ورقتي تاع الفرض ومبعد في حصة تصحيح الفرض أنا رحت نصلح في ورقة مزدوجة وصححت الورقة وكتبت في اسمي وعندما أصبح يوزع في الأوراق انا رحت مديتله هاك الورقة هذيكا وقتله راك غلطلي ياشيخ وأنا راني معديتش ذات الفرض بركا قتله راك غلطلي عنجال باش هو يصححها ويمركي النقطة عنده شوي هو قالي أنت راك معديتش كيفاش غلطلك قتله هاك أشبح الورقة شبح مليح الورقة قالي هاذي مهيش نتاعك قتله نايا روح أشبح الاسم قالي كيفاش انت معديتش قتله راك غالط راني عديت بقى حاير في روحه مليح وهز الورقة وقالي تو انشوفها ونصلحلك ومبعد في الحصة الجاية قتله وينه ورقتي قتلي تو نصلحها قالي الورقة هاذي ماهيش أنتاعك قلي منين جبته قتله نايا أنتاعي قالي مستحيل أنتاعك أنت معديتش أصلا قتله راك غالط يالشيخ راني عديت
قالي الورقة هاذي باش تقعد عندي وراح نعديها على المجلس قتله علاش يالشيخ كيفاش تقلي هكا ونايا عديت قالي لا

الآن وشو الحل عاونوني يرحم باباكم راني في مشكل كبير
أنا قلت نطلب منه السماح ونقله يالشيخ سامحني والورقة تبقى مابيناتنا
وراهو نيمرو البرطابل أنتاعه عندي انا قلت نكلمه ونطلب منه السماح خيرلي
و الآن قولولي أنتم وشو هو الحل

[color="yellow"] شوفولي حـــــــــــــــــــــــــل[/color]