اللوبيا قريني من مطبخي روووووووعة

[~اسيل ريحانتي~]

اليوم جبتلكم طريقة تحضير لوبيا لقريني
هذي هي


مقادير الوصفة
زيت

لحم خروف او دجاج كيما تحبي

الخضر ديري4سنينات ثوم ونصف حبة بصل 2حبات جزر و حبة بطاطا شوية دبشة مقطعة وقرن غزال1او2
التوابل تحطي الحرور فلفلة حمرة حلوة ملح سكين جبير كمون


ملعقة كبيرة طماطم مصبرة

تحكمي قدر الضغط تقلي اللحم مع الثوم مع نصف ملعقة قهوة كركم يعطي بنة هايلة

تقطعي الجزر والبطاطا مربعات متوسطة والدبشة والبصل مفروم تحطيهم مع اللحم تقليهم شوية ممبعد ملعقة الطماطم وتمرقي

ورمي اللوبيا القريني وغلقي القدر وديري الصفارة وخليها مدة نصف ساعة
والنتيجة طبق لذيييييييييييذ يدفيكم في هذا البرد تفضلو تتعشاو معايا

نشا الله تنال اعجابكم