كل أسرار العجين المورق

[إلهام07]

المشاركة الأصلية كتبت بواسطة Sousou batna

ما شا الله الله يبارك الهام
يعطيك الصحة حبوبةوجزاك الله خيرا علي هذ المجهود
موالفة ندير انتاع ام انس وتجيني مورقة روعة بارك الله فيها
الهام من فضلك حابة نسقسيك زبدة التوريق اللي ثم شحال فيها نسبة المواد الدهنية

نشوف ونرجعلك أعتقد ماشي مكتوب فيهم

المشاركة الأصلية كتبت بواسطة maiar

يعطيك الصحة وشرح كمل الله يبارك انا جربتها مرة انا و اختي و شبع علينا بابا بالضحك لقانا نتهاوشو مع العجينة بالقنوط نخبطو فيها و فالاخر طيشناها و مرة شريتها واجدة و ماعرفتش نستعملها بصح ذرك بالشرح الكافي و الوافي ان شاء الله تصلح هذه المرة
زيدي معلةمة اخرى كاين لي مايعرفهاش من بينهم انا كيفاه نحتفظو بالعجينة لي مستعملناها و المدة و الزوائد تع العجينة كيفاه نديرولهم

الله يسلمك شكرا ميار
شوفي كي تستعملي مثلا نصفا العجين الباقي ديريه في كيس ورجعيه للثلاجة راهي تبقالك عدة ايام أنا ساعات تبقى أسبوع مايصرالها والو المهم الثلاجة نتاعك تكون تبرد مليح ماشي تنقصيلها خلاص باش تبقى العجين باردة وماتقراصش
الزوائد عاد مايبقاوليش لاخاطر نعرف كيفاش نقطع مانرمي غير شوية الحواشي هذوك برك
بصح إذا مثلا قطعتي دوائر أكيد رايح يكون عندك زواد في مواضيع الأخوات الاخرين نتاع العجين مورق تلقايهم يطهنوهم ويذريو عليهم شوية سكر وكاوكاو ويدخلوهم للفرن ويتقهواو بيهم عادي

ألف شكر على المرور وأي سؤال راني هنا

المشاركة الأصلية كتبت بواسطة anaris

تستحقين لقب ملكة ملوك المعجناااااااااااااااااااااااااااااااااااااااااااا ااااااااااااااااااااااااااااات
وراني نستنا في الخبز اليطالي والطريقة المثلى للتخمير

هههههههههههههه طلباتك مايخلاصوش ههههههههههه
ماعليش راهم في الطريق الصبر برك تعرفيني حتى نجر ونبحث مليح باش نحط الووصفة

المشاركة الأصلية كتبت بواسطة أم سراج الدين

يعطيك الصحة لهومة

مجهود تشكرين عليه



و الله يا الغلوتين ركبلي الخلعة

باذن الله نجربها
و تشوفي تطبيقي يا لهومة
باش ما تقوليش تعبي راح خسارة

امووووووووووووواح نزيدها في خدك ههههههه

راي ننتظر في تطبيقك وتسعدني زيارتك كثيرا

المشاركة الأصلية كتبت بواسطة ladymillion

يااااااااااااااااااعيني عليك لهومة بووووووووووووركتي حبيبتي والله يجازيك كل خير ان شاء الله راح نجربوها وبغذن الله تصلح كيما نتاعك الله يبارك مشكووووووورة

braaaaaaaaaaaaaavo

متاكدة تخرجيها خير من نتاعي

المشاركة الأصلية كتبت بواسطة ام اماني77

ماشاء الله شرح وافي وكافي
ربي يعطيك صحتك ويحققلك امانيك ياغالية
فعلا انت ملكة المعجنات
تستاهلي 7نجوم مش5
احلى تقيييييييييييييم غاليتي

ياعمري والله غير طرت بالفرحة كي شفت تعليقك ألف قبلة وقبلة ليك حنونة مواح نموت عليك

المشاركة الأصلية كتبت بواسطة moslihe29

بوركت حبيبتى انتى تجمعى وتطرحى والكل حيران عليك عيدك مبارك حبيبتى

ههههههههههههههههههههههههه عيدك مبارك مصلح هههههههه فقتي بيا أنت ههههههههه

المشاركة الأصلية كتبت بواسطة أم محمد تاج

لهووووووومة لحبيبة شكرا وألف شكر ليك على تعبك وعلى الشرح الرائه بوركتي حنونة
بصح مستحيل نديرها دائما تفسدلي ونرميها وحلفت عليها راهي كوشمار

أوووووووووووو تلعبي فيها ماتعرفيش تبعدي في العين
لا كوشمار ل والو " بقه حتة عجينة تغلب أم محمد تاج ؟ " مانصدقش هههههههههه

المشاركة الأصلية كتبت بواسطة ام راضية

موضوع في القمة من كل الجوانب يعطيك الصحة لهومة وفي ميزان الحسنات ان شاء الله
يا بخته الهامو علي وزن باتيلو
الهام

ههههههههههه ماعلاباليش بيك فكاهية نعرفك غير سياسية ههههههههههههه
ربي يعيشك حبيبتي مواح
دائما تشرفني زيارتك

المشاركة الأصلية كتبت بواسطة tokio hotel

الله يبارك قريت وعاودت موضوعك على امل نصيب خطاء و نسيتى ككاش معلومة هادا بحكم انى خبيرة فى العجين المورق قريت عليه فى الكتب الفرنسية القديمة و الجديدة ما نسيتى والو شاp و الصراحة كفيتى و وفيتى يعطيك الصحة لككن حبيت نقولك انا كى نديرها بالمرغرين التوريق تجينى بعدما تبرد و كانها مشحمة بدلت و اجعت نديرها بفلوريال تبقى تتقرمش حتى بعدما تبرد و انت واش رايك

شوفي طعم المشحم سببه الزبدة يعني في زوج في رأيي كيف كيف بصح زبدة التوريق فيها ماء أكثر تخلي العجين ينتفخ مليح
أما على التشحم ياختي أنا ناكل كل شيء سخون كي تبرد نعاود نسخنها في الميكرو
عمري لا جربتها بفلوريال مع أنني نحبها ونحب ريحتها

المشاركة الأصلية كتبت بواسطة djaouida dd

يعطيك الصحة يا ملكة المعجنات شرح هايل حبيت نسقسيك انا نعرف برك زبدة التوريق صالحة وفيها 500غ قوليلي كاكانش انتاع 200غ

لالا غير ماتحوسيش كاينة غير نتاع 500غ في كل الماركات
على العموم 500غ ماهيش بزاف