شارك في اختيار الملكة قبل انتهاء التصويت

[وليد مولودية]

المشاركة الأصلية كتبت بواسطة stayfiya

علابالك بلي نحبوك واشبيك راكي نوارة المنتدى نتي و كريستال ديما مزهيين الصفحة و جيبولنا كل جديد.
اول سؤال قوليلي لا ه دار اسمك وليد مودلودية و ميش وليد ess ههههههه
واش وايك في المسابقة بشكل عام كاين لي يشوفها ماعندها حتى معنى و تضييع وقت بالعربية تافهة نتي واش تقولي

اهلا السطايفية

حتى نحبكم وربي شاهد وكلوقت فراغي نديه هنا معاكم في المنتدى بحكم اني ما نخرجش بزاف يعني انتم كل عائلتي

بالنسبة للاسم وليد مولودية انا ام لطفلين او شابين وليد و ايوب بصح وليد اناني شوي كنت ما نعرفش نسجل هو يطوع بصح يسجل باسمو وليد

اما مولودية فدي حكاية تانية خالص ههههههههههههههه

ولادي اصلا مش سطايفية يعني زوجي عاصمي يحب المولودية و شربها لولادو في البيبرونة بدل ما يحبو الوفاق يحبو المولودية برك

اما عن المسابقة كيما سبق وقلت انا متبعتها بصح برك ما قدرتش نفهمها مبهمة نوعا ما لكن الي يقول انها تافهة غلط انا لاحظت انها هادفة تخلق روح المنافسة بين المتسابقات و تعرفنا عليهم اكثر من خلال مشاركاتهم في كل الميادين

انا تبعت الاطلالة الاولى وكل وحدة شفت وش قدمت عجبوني الكل هدي مش ديبلوماسية مني انا بالطبيعة ما ننقدش كل حاجة نشوفها نروح للشيء الجميل الي فيها و نهدر عليه على هدا التصويت جاني واعر كامل عجبوني و حبيتهم يكفي انهم يتعبو ربي يعينهم

المسابقة عطات اظافات خلاتنا نحاولو نعرفو العضوات المتسابقات عن قرب والي عجبني فيهم انهم يتقبلوا النقد بصدر رحب بلا زعاف و هدا يدل على ان المتسابقات ما راهمش يضيعو في الوقت وانهم صح جديين وحبو يفيدو و يستفادو

طولت على بالي تقولو ثرثارة ساعفوني خالتكم عجوزة و خاطرها ضايق ههههههههههههه