تلخيصي ليوم الاثنين
احاول سرد المهم اللي في اعتقادي هو مبتغى المسابقة
النهوض عندي دائما نفس التوقيت الا اذا مرقتش بكري
بعد الصلاة والفطور حضرت الغداء ونضفت البيت تنضيف خفيف
وهبط لمحل عملي راني بين الحلاقة شوية والخياطة شوية خاطر حاطة مشينة الخياطة في مكان خفي في الصالون حتى ل12سا جاو الاولاد حطيتلهم يتغداو ثم صلاة وغسيل الاواني ورجعت لمحل عملي بين الميكرو والمشينة والحلاقة حتى وقت العاصر
صليت وطيبت الحليب والقهوة وخرجت لشراء لوازم الخياطة وجاتني فكرة شريت قماش باش نخيط طاقم للمطبخ راني كي نكملوا نصورلكم مراحل التفصيل والخياطة المهم وانا في التسوق جاني احساس غريب كاني اول مرة ندخل لمحلات الاواني الاثاث حتى عادت بنتي تقولي واش بيك ياماما انت موالفة من حوانت السلعة متفوتيش واش اصرالك اليوم وليت نشوف اشياء مكنتش شايفتها
والفضل يعود للمسابقة شوفو ياجماعة كل ها اكيفاش تعود انا تعودت كي نخرج لزيارة عائلية او اقتناء لوازم الخياطة او الحلاقة نرجع بالخف على جال الوقت
هذى وحدة والثانية الدار معطيتهاش حقها كيما يلزم موش من ناحية النضافة والاشغال المعتادة لالالالالالالالالالالالا انا نتكلم مثلا نخيط كل الانواع لكن لناس
قليل منتفكر الدار ونخيطله حاجة كي تعود ضرورية المهم اكتشفت ان الدار هي في المرتبة الاؤولى وبناتي ثم الزبائن المهم ربحت من المسابقة لكن الخاسر اكيد زوجي خاطر مهيش في مصلحته
رجعت لدار مع المغرب لمزية عندي لعشاء تالي باصيت السابعة ونص يتحط لعشاء بعدها النشرة
انا الاواني يغسلوهم في الليل بناتي
وفي السهرة فصلت طاقم الكزينة وخصني شوية قماش اليوم باذن الله نكملو انا قلت نختصر حالتي درت جريدة
( تقرير عن مشاركة سيئة )، و الموجودة أسفل كل مشاركة .
2013-10-22, 09:09
العرض الشجري