انا يوم العيد انوض بكري ننصب شخشوخة وانوجد الفطور لزوجي واولادي من بعد زوجي يمشي للخدمة مسكين مايخلوهش حتى اعاونا واذا عيد معانا اكون عرس عندي من بعد انوض الاولاد يفطرو ورياحين بعدها اتوجدلهم قشهم اتلبسهم ومن بعد ااكونو روحو من الصلاة ونبداو بهبط التحت عند عجوزتي وشيخي يذبح شيخي وانا انقولو اعطيني الراس والكرعين انشوطهم مابين ما اكمل السلبخ انا انكون خلصت البوزلوف الاول ومن بعد ازيدو الثاني نفس العمل ومن بعد الثالث نفس العمل لانو شيخي يذبح وحدو وعجوزتي ماعز عندها كوليسترول وحدها واحنا وحدنا يعني 3 ومن بعد نرجعو للكرشة ومع العلم انو عجوزتي ماتخدمش بزاف كلش يخرج من ظهري وبعد انكملو انسيقو انا وبنتي والعجوز اتوجد الغدا انتاعها ونطلعو نوجدو غدانا اروحلنا الغدا ساعات ل 4 مساءا انا والعجوز بصح الشيخ وراجلي يتغداو بعد ما اكملو واللحم ولا الغرنوق ولا الكرشة ما نمسوهمش حتى للليل