اسالني كل ما يخطر ببالك وانا اجيبك...

[sara2012]

السلام عليكم
سامحيني نحكي معاك بالدارجعة :
ربي يرزقك الجنة من قلبي و دعواتي لك يا نهال
بغيت اجابة مقنعة فقط و واقعية :
انا ناخذ دروس خصوصية في الرياضيات و العلوم و الفيزياء فقط بصح هاذ ليام قاعدة نلاحظ بلي كل ما نتناوله في الدعم من دروس يتعاود في القسم بنفس الطريقة و طبعا مايش اساتذتي في الدعم هوما نفسهم اساتذة القسم مختلفين
استاذ الرياضيات في القسم ما يخليش معلومة تفيدنا تفوت علينا يقولنا صقصيوني و حلو تمارين و مرحبا بيكم يعني مستعد يعاونا
و عندو طريقة في الشرح و لله الحمد
لكن انا قلت نكمل دروس الدعم لأنو استاذ الدعم ايضا يفيدنا بسلاسل ملاح ....
بالنسبة للفيزياء و هنا الاشكال :
انا الحمد لله استاذ الفيزياء تاعي يقريني في القسم و زاد يدير الدعم خارج المؤسسة للتلاميذ بصفة عامة يعني كاين لي يقراو عندو في القسم و في الدعم و كاين لي كيفي ما نقراش عندو الدعم و نقرا عند واحد الاستاذ قديم بزاااف في التعليم و راهو متقاعد بصح يقولولي ديري عندو الدعم معناه جابو نتيجة كامل لي قراو عندو خاصة الممتازين بصح انا نتعب بزاااف كي ندير دروس الدعم ثلاثة في يوم يعني مقسومة بين الجمعة و السبت نتعب لدرجة كبيرة و كي شفت بلي استاذي في الفيزياءء يفهمني مليح في الدرس و ايضا قالنا مستعد نعاونكم في التمارينات لي تقتارحوها عليا او لي تحصلو فيها


الحصول يا نهال :
قررت نكمل الشهر تاعي في الفيزياء دروس الدعم و من بعد نحبس و نعود نقرى وحدي و لي ما نفهمهاش نصقصي عليها استاذي في القسم

و بصح العلوم لازم ندير فيها معناه ما نعرفهاش مليح نفهم الدرس بصح كي نجي نطبق في اختبار ما نتحصل على 12 او 13 من عشرين لذا قررت نكمل الدعم في العلوم و الرياضيات و نحبس في الفيزياء لأن استاذي كافي
و هكذا نوفر الوقت على روحي و نخفف شوي يسمى ندير ساعتين علوم دعم يوم الثلاثاءء مساءءا و نزيد على الجمعة و بالتحديد 14.00 هو توقيت الدعم في الرياضيات و بالسبت 13.00 هو توقيت الدعم ايضا في الرياضيات


واش رأيك اختي مليح التخطيط تاعي...و هكذا قلت نلقى روحي بالجمعة صباحامثلا من الفجر حتى لوقت صلاة الظهر و انا نقرى و من بعد يكون الدعم في الرياضيات
و نفس الشي بالسبت نقرى من الفجر حتى ل 12 و يكون الوقت فقط للدعم في الرياضيات و كي نروح نلقى روحي مرتاحة ...
أرجو رأيك الكامل التام و الواقعي :


مع العلم اني املك في الفيزياء سلسلة الهباج + المميز + الجديد + الميسر + الزاد و عمي استاذ في الفيزياءء و في الثانوي ايضا و مستعد هو ايضا لاعانتي ....فما رأيك ؟؟؟

و لدي معلومة اخرى :
صديقتي المفضلة :
قاتلي مع هي دير دروس الدعم في الفيزياء عند استاذي في القسم بلي راهي مستعدة تسلملي جميع السلاسل لي يعطيهالهم استاذ الدعم و انا ندير عليها فوطو كوبي و نحلها مع عمي و استاذ القسم لانو يقولنا مستعد لأي استفسار صادر منكم
أرجو منك ردا
بارك الله فيك و دعواتك لي و لجميع المجتهدين