اسالني كل ما يخطر ببالك وانا اجيبك...

[قدوتي رسولي]

المشاركة الأصلية كتبت بواسطة نهال13

الله يبارك فيك عزيزتي لعقوبة ليك بتقدير ممتاز مشكوووووورة جدااااااا اختي على كلماتك الرائعة الله يخليك ويبارك فيك
نعم هذا صحيح البكالوريا تكون دوما مفاجاة كبيرة للجميع فهناك من كان يتحصل على 17 يمكن ان لا ينال شهادة البكالوريا وهناك من كان يتحصل على معدل 9 و8 تجدينه من الاوائل هذا دوما يحدث وخاصة بالنسبة للممتازين تجدين ان اغلبهم يتوترون فيضيعون كل شيء وهذا حدث للكثير من صديقاتي لذا احذري فليس الكل يبدي قدراته لانهم يحبون ان يكونوا مفاجاة للجميع لذا انصحك اختي لا تجلبي الانظار لنفسك كما فعلت انا وفي النهاية برز اشخاص اخرون لم نكن نعلم بوجودهم ابداااا فلا تثقي فيما سترينه في الفصول لانها لن تكون نتائج البكالوريا
الف مبرووووووك لاختك الله ينور طريقها وطريقك اختي وتكوني مثلها ان شاء الله لكن لا تبداي الخوف من الان فالوقت مبكرررر جدااا وهذا ليس في صالحك اختي بل ثقي في قدراتك واجتهدي وثابري ولا تفكري سلبيا هكذا لان هذا سيدمرك بل رتبي امورك واتكلي على الله واياك ان تبالغي في خوفك بل ادرسي فقط ولا تفكري هكذا
بالنسبة للفرنسية والانجليزية تقريبا نفس الدروس التي اخذتموها في السنة 1 و 2 لذا لا تخافي فهي بسيطة وسهلة جداااا الاختلاف الوحيد هو في نوع المواضيع و les types de textes لن تاخذ الكثير من وقتك ابدا صدقيني بل ركزي على المواذ الاساسية لان البرنامج طويل ومكثف ومتعب
مواضيعنا في الفرنسية والانجليزية كانت تافهة جدااااااا وسهلة وبصراحة فوجئنا ببساطتها لكن في التصحيح كل شيء يتغير لا اعرف لماذا في التصحيح دوما كانهم يعاقبوننا ورغم ان اجوبتنا صحيحة الا اننا نفاجئ بالعلامات

جزاك الله خيرا اختي واذا عندك اي اسئلة اخرى لا تتردي
تحياتي اليك والى اختك واسفة كثيرا لاني تاخرت في الرد عليك ارجو ان تعذريني وتسامحيني

تحية طيبــــــــة
ولك خير الجزاء
لاتتأسفي ابدا لان الحق معك فالكثير من الاعضاء لهم استفسارات
اولا نحب نشكرك بزااااااف ماتصوريش شحال رفعتيلي معنوياتي لدرجة ماتقدريش تصوريها
وكيما قلتي كاين ناس ماتضغطش على روحها في البداية خاصة انها ماتحبش تبين بلي راهي تقرى حتان يتفاجؤوا بيها ونفس شيء صرا مع اختي بصح كون نقلك بلي يقلك كل واحد ونيتو عندها صديقات افضل منها في المستوى واتفقوا مع بعضاهم باش يبينوا بلي هبطوا في مستواهم شوي صرالهم كيما مثلوا بالضبط "اللهم لا شماتة"
بصح انا راني معاك في هادي العبد يمشي بنيتو وفي نفس الوقت مايجذبش الانظار ليه
بارك الله فيك
اسعدتيني بزااف انا الانجليزية عام 2قريتها ملييييييييح الاستاذ فور بصح سنة 1الحق الاستاذة والو
وهاد العام حكمتني بنت عمي بصح دات كونجي راهي اونسانت وراح يجبولنا مستخلف حق 3شهور برك
بربي ان شاء الله نبذل قصارى جهدي باش نجيب معدل مليح يوصلني الشعبة لي راني باغيتها
وربي يحفظك اختي

عندي سؤالين
الاول:هل المصطلحات والتواريخ في الاجتماعيات بزاف؟؟انا شفت عند اختي صراحة تقول 10كتابات خفت وانا قلت نعتمد طريقتك نحفظ كل يوم على الاقل 5 من التاريخ و5 من جغرافيا واش رايك؟؟
وسؤالي الثاني:شحال معدل قبول المدرسة العليا للاساتذة في الطور الثانوي هادي امنية بابا اني ندرس فيها؟؟؟
وبارك الله فيك وجزاك كل خير
وربي يوفقك يااختي
وين راح تدرسي طب هل يوجد هذا التخصص في سطيف؟؟
جميلك هذا مش راح ننساه طول عمري وان شاء الله نبشرك بمعدلي
تقبلي تحياتي♥♥